vaxtlı-vaxtında oxuyun! Bazar, 8 dekabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
AKTUAL  
10:44 | 2 dekabr 2019 | Bazar ertəsi Məqaləyə 474 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Öldürülənlərin sayı 500-ü aşıb

Fars-molla rejimi dinc etirazçılara qarşı pulemyotdan istifadə etdi

Son iki həftədə İranda benzinin qiymətinin artmasından sonra başlanan və qısa bir zamanda molla rejiminə qarşı çevrilən dinc etirazlarda hökumət qüvvələrinin törətdiyi qətliamların detalları barədə yeni məlumatlar yayılır.

10 ilə yaxındır ev dustaqlığında saxlanılan İrandakı “Yaşıl hərəkat”ın lideri Mirhüseyn Musəviyə yaxın “Kalameh” saytına bağlı mənbələrin yaydığı məlumata əsasən, dinc etirazlarda qətlə yetirilən və cənazələri son günlər ailələrinə təhvil verilən 156 etirazçının cənazəsi təkcə Tehranın “Behişti-Zəhra” qəbiristanlığında dəfn edilib: “Həmçinin ən azı 80 etirazçının cənazələri də dəfn olunmaq üçün Tehrandan digər şəhərlərə göndərilib. İnternet xidmətinin qismən bərpa olunmasının ardınca yayılan yeni məlumatlara əsasən, son iki həftədə Tehran əyalətinin müxtəlif şəhərlərində yüzlərlə etirazçı rejim qüvvələrinin odlu silahlardan açdığı atəş nəticəsində qətlə yetirilib.

Belə ki, Şəhriyar şəhərində 5 nəfər, Kohnəz bölgəsində 20 nəfər, Firdosiyə, Əmiriyyə və Vəhidiyyə bölgələrində 13 nəfər, Melardda 8 nəfər, Həsənxan Qalasında (Qüds şəhəri) 10 nəfər, Yusifabadda 6 nəfər, Savə yolunda 12 nəfər, İslamşəhrdə 10 nəfər, Ləmabad, İsfəndabad və Bəkə kəndlərində 14 nəfər, Əkbərabad və Vəcihəabadda 20 nəfər, Rudihendə isə 16 nəfər qətlə yetirilib. Həmçinin 40 etirazçının cənazəsinin də son günlər Nəsimşəhrin İmam Hüseyn xəstəxanasından morqlara köçürüldüyü bildirilir.

Məlumatda qeyd olunur ki, əksəriyyəti başından güllə yarası alan həmin şəxslər ölkənin ən yoxsul və kasıb təbəqəsindən olan etirazçılardır. “Kalameh” saytına yaxın mənbələr son iki həftənin etirazlarında qətlə yetirilənlərin sayının 366 nəfərə çatdığını bildirsələr də, hüquq-müdafiə təşkilatları etirazlarda molla rejimi tərəfindən öldürülənlərin sayının 500-ü aşdığını bildirirlər. Yayılan bəzi məlumatlarda isə dinc etirazlarda güllə yarası alaraq həyatını itirən etirazçıların 600-ə çatdığı vurğulanır.

Bu arada, İran parlamentinin sədri Əli Laricani dekabrın 1-də jurnalistlərə açıqlamasında bəzi şəhərlərdə hökumət qüvvələrinin etirazçılara qarşı pulemyotdan (tirbar-dan) istifadə etdiyini təsdiqləyib.

 Xatırladaq ki, noyabrın 15-dən başlayaraq, İranda hökumətin benzinin qiymətini üç dəfə artırmasına qarşı keçirilən kütləvi etirazlar və səsləndirilən şüarlar qısa zaman içində molla rejiminə qarşı yönəlib. Ölkənin 137 şəhərində keçirilən etirazlarda rejim qüvvələrinin dinc etirazçılara qarşı göstərdiyi misili görünməmiş vəhşilik və qəddarlıq dünya ictimaiyyətini şoka salıb. Belə ki, hökumət, “Sepah”, “Bəsic” və mülki geyimli təhlükəsizlik qüvvələrinin etirazçılara qarşı odlu silahlardan açdığı atəş nəticəsində 251 nəfərdən çox insan qətlə yetirilib, 3700 aksiyaçı yaralanıb, Tehranda və digər şəhərlərdə 7 mindən çox etirazçı polis və mülki geyimli təhlükəsizlik qüvvələri tərəfindən həbs edilib.

Etirazlar zamanı həmçinin ən azı 7 “Sepah” və “Bəsic” muzdlusu, ən azı 3 axund həlak olub, cəhalət, xurafat və fəsad mərkəzi sayılan 15-ə yaxın dini mədrəsə (mollaxana) etirazçılar tərəfindən yandırılıb. Molla rejiminin repressiya maşınını işə salmasına baxmayaraq, ölkədə yaşanan inqilabi vəziyyət və iri şəhərlərdə elan olunmamış fövqəladə vəziyyət rejimi davam edir.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *