vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
DÜNYA  
20:55 | 25 aprel 2020 | Şənbə Məqaləyə 14438 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kimin vəziyyəti kirtikdir?

Çin mütəxəssislərini qonşuya göndərdi

Şimali Koreya lideri Kim Çen Inın vəziyyətinin kritik olması barədə xəbərlərin yayıldığı bir vaxtda Çin bu ölkəyə tərkibində həkimlərin də olduğu mütəxəssislər qrupu göndərib. Bu haqda “Reuters” bildirir.

Məlumata görə Çin Kommunist partiyasının Mərkəzi komitəsinin beynəlxalq şöbəsinin yüksək rütbəli nümayəndəsinin rəhbərlik etdiyi heyət Şimali Koreyaya aprelin 23-də göndərilib. Agentlik heyətin göndərilməsini Kim Çen Inın səhhətində yaranmış problemlə əlaqələndirir.

Bundan əvvəl xəbər verilmişdi ki, Kim Çen In Yapon dənizinin Şərqi Koreya körfəzinin sahilindəki villasında özünü təcrid edib. Onun ötən həftə koronavirusdan qorunmaq üçün  Pxenyanı tərk etdiyi iddia edilir. Bəzi məlumatlara görə Kimin yaxın ətrafındakı şəxslərdə koronavirus aşkarlanıb.

Xatırladaq ki, aprelin 21-də CNN telekanalı Amerika kəşfiyyatının nümayəndələrinə istinadən Kim Çen Inın kritik vəziyyətdə olduğu haqda xəbər vermişdi. Kim Çen Inın səhhəti ilə bağlı spekulyasiyalar onun Şimali Koreyanın qurucusu olan babası Kim İR Senin aprelin 15-də baş tutan ad günü mərasimlərinə qatılmamasından sonra yaranıb. Həmin vaxtdan onu görən olmayıb. Bəzi mənbələr Kim Çen Inın hətta öldüyünü iddia edirlər.