vaxtlı-vaxtında oxuyun! Cümə, 15 noyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
FESTİVAL  
16:45 | 31 oktyabr 2014 | Cümə Məqaləyə 2133 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Cəhənnəm ol, Höte»

Avropa Film Festivalı başlandı

MÖVZU İLƏ ƏLAQƏLİ

Azərbaycan paytaxtı artıq dördüncü dəfə Avropa filmlərinin nümayişinə ev sahibliyi edir. Ötən gün Bakıda Avropa Film Festivalı start götürüb. Almaniya istehsalı olan «Cəhənnəm ol, Höte» (rejissor Bora Dağtekin) komediyası festivalın ilk filmi olub. Filmlərin nümayişi noyabrın 9-dək davam edəcək.

Festival çərçivəsində Avropa İttifaqına üzv olan 16 ölkədən (Avstriya, Belçika, Bolqarıstan, Xorvatiya, Çex Respublikası, Estoniya, Finlandiya, Fransa, Almaniya, Macarıstan, İtaliya, Latviya, Rumıniya, İspaniya, İsveç, Birləşmiş Krallıq) və Azərbaycandan komediya, dramatik, sənədli, animasiya kimi müxtəlif janrlarda çəkilmiş 17 film kinosevərlərin ixtiyarına veriləcək.

Festival proqramına salınmış ekran əsərləri arasında dörd nominasiyada «Oskar»a namizəd olan «Filomena» (rejissor Stiven Frirz), «Karlovı Varı» Beynəlxalq Film Festivalında fərqlənən «Dirçəlmə» (rejissor Alitse Nelis), «Kann»dan əliboş qayıtsa da, maraqla qarşılanan «Çaxnaşma dövrü» (rejissor Castin Triet) və «Berlin» festivalının qran-prisini qazanmış «Ana, mən səni sevirəm» (rejissor Yanis Nords) kimi məşhur filmlər də var.

Festivalın təşkilatçısı Avropa İttifaqının Azərbaycan nümayəndəliyi, Avropa İttifaqına üzv dövlətlərin Azərbaycanda təmsil olunan səfirlikləridir.

Filmlər paytaxtın Neftçilər prospektindəki «Park Bulvar» alış-veriş mərkəzində yerləşən «Park Cinema»da nümayiş olunacaq. Giriş pulsuzdur.

Festivalın sonuncu günü azərbaycanlı tamaşaçılar üçün daha əlamətdardır. Noyabrın 9-da festival çərçivəsində Elçin Musaoğlunun «Nabat» filmi nümayiş olunacaq. Ölkəmizi «Venesiya» və «Tokio» kimi nüfuzlu kinofestivallarda təmsil edən «Nabat» bu il «ən yaxşı xarici film» nominasiyasında «Oskar»a da namizəd göstərilib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *