vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Tariximiz bizim üçün dərs olmalıdır. O, heç nəyi silmir»

Heydər Əliyev (1923 - 2003)
BÖHRAN  
23:43 | 24 noyabr 2017 | Cümə Məqaləyə 2553 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Rusiyalı hakerə qarşı «I» əməliyyatı

ABŞ-a təhvil veriləcəyi gözlənilən Nikulin internet şirkətlərindən informasiya oğurlamaqda ittiham edilir

MÖVZU İLƏ ƏLAQƏLİ

Çexiya məhkəməsi şübhəli rusiyalı hakerin Birləşmiş Ştatlara təhvil verilməsinə dair qərar çıxarıb. Praqa Ali Məhkəməsi noyabrın 24-də Yevgeni Nikulinin ekstradisiyasına icazə verən məhkəmə hökmünü qüvvədə saxlayıb. Birləşmiş Ştatlar onu kompüterlərə haker hücumunda, «LinkedIn» və «Dropbox» kimi böyük internet şirkətlərindən informasiya oğurlamaqda ittiham edir.


Rusiyaya qarşı şikayəti geri götürüb

 

Moskva həmişə ABŞ-ın üçüncü ölkələrdən vətəndaşlarını ekstradisiya etməkdə suçlayır və Nikulinin başqa bir internet oğurluğu ittihamıyla ekstradisiyasına çalışıb.

İndi son qərarı Çexiyanın ədliyyə naziri verməlidir. O, bir ölkəyə ekstradisiyanı təsdiqləməklə digərinin istəyinin üstündən xətt çəkə bilər.

Nikulin öncə hər iki ölkəyə ekstradisiyasından şikayət vermişdi, sonradan Rusiyaya qarşı şikayətini geri çəkdi.

O, 2016-cı ilin oktyabrında Çexiyada, ABŞ hökumətinin «İnterpol»a sorğusu əsasında saxlanıb.

Bu ekstradisiya qərarının çıxdığı dönəmdə ABŞ-da müstəntiqlər Rusiyanın ötənilki prezident seçkisinə mümkün müdaxiləsini araşdırır.

 

ABŞ-ın ittihamı

 

ABŞ kəşfiyyatı belə bir nəticəyə gəlib ki, Rusiya haker hücumları, propaqanda vasitəsiylə 2016-cı ilin noyabrında prezident seçkisinə müdaxiləyə cəhd göstərib.

Moskva iddiaları danır.

Nikulinin vəkillərindən biri bu ilin əvvəlində iddia edib ki, Federal Təhqiqatlar Bürosunun (FTB) agentləri onun müştərisinin seçkidən öncə ABŞ Demokratlar Partiyasına haker hücumunu boynuna almasına çalışırlar.

Nikulin məhkəmədə deyib ki, Demokratlar partiyasına kiberhücumda iştirak etməyib, Birləşmiş Ştatlarda ona irəli sürülən ittihamlarla bağlı özünü təqsirli bilmir.