vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
BÖHRAN  
15:38 | 7 avqust 2019 | Çərşənbə Məqaləyə 2509 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ruhani ABŞ-a səsləndi

“Sülh qarşılığında sülh, müharibə qarşılığında müharibə, neft qarşılığında neft”

MÖVZU İLƏ ƏLAQƏLİ

Avqutun 6-da İranın Xarici İşlər Nazirliyinə gedən prezident Həsən Ruhani nazirlik rəsmiləri ilə görüşdə çıxış edərək Amerika ilə sülh və müharibədən, ölkəyə qoyulan sanksiyalardan və Hörmüz boğazından danışıb.

Ruhani Amerikaya səslənərək deyib ki, İranla hər hansı mümkün bir savaş, bütün savaşların anası olacaq: “Mən üzümü Amerikaya tutub deyirəm: Siz bizim təhlükəsizliyimizə xələl gətirməklə regionda öz əsgərlərinizin təhlükəsizliyini təmin edə bilməyəcəksiniz. Sülh qarşılığında sülh, müharibə qarşılığında müharibə, neft qarşılığında neft.

İranla sülh bütün sülhlərin anası, İranla müharibə isə bütün müharibələrin anasıdır. Biz müzakirə əhliyik. Əgər Amerika həqiqətən də bizimlə müzakirə aparmaq istəyirsə, əvvəlcə qoyduğu bütün sanksiyaları ləğv etməli, cinayət və iqtisadi terrorizmdən əl çəkməlidir. Güman edirəm ki, Amerikanın yolu, həqiqi tövbə yoludur. 

Amerikalılara deyirəm ki, biz sizin pilotsuz uçan aparatınızı ölkədə istehsal edilmiş bir raketlə vurub saldıq. Sizin dostunuz Britaniya isə bizim bir gəmimizi saxladı. Lakin biz artıq onun bu səhv addımına göz yummadıq və qarşılığında onların bir gəmisini ələ keçirdik. Elə olmaz ki, siz Cəbəllüttariq boğazını bizim üzümüzə bağladığınız halda Hörmüz boğazı sizin üçün açıq olsun” –deyə Həsən Ruhani əlavə edib.

Xatırladaq ki, iyulun 19-da “Sepah”ın körfəzdəki sürət qayıqları Hörmüz Boğazında üzən  Britanıyaya məxsus “Stena İmpero” adlı tankeri saxlayıblar. “Sepah”, Britaniya tankerini beynəlxalq dənizçilik qanunlarını pozduğuna görə saxladığını bəyan edib.