vaxtlı-vaxtında oxuyun! Cümə axşamı, 19 may 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
REGİON  
12:40 | 12 may 2022 | Cümə axşamı Məqaləyə 334 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Baydendən Türkiyə ilə bağlı Konqresə müraciət

Hadisələrin bu cür inkişafı Vaşinqton-Ankara münasibətlərində böyük dönüş yaradacaq

MÖVZU İLƏ ƏLAQƏLİ

ABŞ prezidenti Co Bayden Türkiyəyə, onun “F-16” qırıcı donanmasını əsaslı şəkildə modernizasiya edəcək təkmil silah, radar sistemlərinin və başqa texniki avadanlığın satılması barədə qərarın qəbul edilməsi üçün rəsmən Konqresə müraciət edib.

“The Wall Street Journal” qəzeti yazır ki, hadisələrin belə inkişafı Vaşinqtonla Ankara arasında münasibətlərdə potensial olaraq böyük dönüş yaradardı.

Qəzet qeyd edir ki, ABŞ prezidentinin bu addımı Türkiyənin Rusiya təcavüzü ilə üzləşən Ukraynaya nəzərəçarpacaq dəstəyi ilə bağlıdır.

Prezident Rəcəb Tayyip Ərdoğan Türkiyə ərazisində Rusiya-Ukrayna danışıqlarının iki dövrəsinin baş tutmasına şərait yaratmaqla yanaşı Ukraynanı “Bayraktar TB2” dronları da daxil silahlarla təchiz edir.

Qəzet yazır ki, bu dronlar Ukraynanın Rusiya qüvvələrinə qarşı döyüşlərində son dərəcə əhəmiyyətli rol oynayır.

Baydenin müraciəti ilə tanış ABŞ rəsmiləri bildirirlər ki, prezident administrasiyası Konqreslə mümkün razılaşmadan Türkiyəyə ayrıca olaraq 40 ədəd yeni “F-16” qırıcılarının verilməsinə dair daha bir razılaşmanın əldə olunması üçün istifadə etməyə çalışacaq.

Ankara və Vaşinqton arasında münasibətlər 2017-ci ildə Türkiyə Rusiyadan “S-400” havadan müdafiə raket sistemləri alandan sonra sərinləşib.

***

Vaşinqton NATO üzvü olan Türkiyə ilə münasibətlərin yaxşılaşdırılmasını istəyir. Departamentin bəyanatlarından birində deyilirdi ki, Türkiyənin Avroatlantika icmasında qalması Vaşinqtonun maraqlarındadır.

Baydenin Konqresə təqdim etdiyi razılaşmanın 400 milyon dollar dəyərində olduğu deyilir.

Xəbərlərə görə bura müxtəlif raketlərin, təkmil radar avadanlığının verilməsi, habelə Türkiyə qırıcılarının texniki modernizasiyası daxildir.

***

Qəzet yazır ki, Türkiyəyə 40 “F-16” qırıcısının satılması Ankara ilə Vaşinqtonu daha sıx yaxınlaşdırardı.

Bu, Ankaranın Moskva və Pekinlə münasibətlərindən narahat olan Bayden administrasiyasının marağında olan bir yaxınlaşma olardı.

Bu da ehtimal olunur ki, Ərdoğan Baydendən Türkiyəyə “F-16” qırıcılarının yeni partiyasının satılmasını onunla mart ayında apardığı telefon danışıqlarında xahiş edib.

Lakin Türkiyənin Ukraynaya böyük hərbi dəstəyinə baxmayaraq hər iki partiyadan olan bir sıra millət vəkilləri belə bir sövdələşməyə müqavimət göstərir.

Senatın Xarici Əlaqələr Komitəsində ən yüksək vəzifəli respublikaçı senator Cim Riş deyib ki, o bir NATO üzvü kimi Ankaraya “F-16”ların verilməsinə qarşı deyil, amma bunun baş verməsi üçün əhəmiyyətli zəmanətlər lazım olacaq.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.