İsveç götür qoy edir
Finlandiya isə Ankaranın mövqeyinə səbirlə yanaşmağa çağırıb
MÖVZU İLƏ ƏLAQƏLİ
-
Təyyarəsi yenə xarab oldu
NATO toplantısına maşınla getdi
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
“Qətliam olacaq”
“85 il əvvəl 200 min rus əsgərini öldürmüşdük”
-
Dövlət Departamentindən “F-16” izahı
“Heç bir müttəfiqimiz Türkiyə qədər öz torpaqlarında terrora məruz qalmır”
-
“Özünü qorumaq haqqı var”
İsveç baş nazirinin keçmiş millət vəkilinə Türkiyə cavabı
-
NATO qatarı reysdən çıxdı
Xoşbəxtlikdən tələfat və itki yoxdur
-
İsveçdə məscidə islamofob hücum
İbadət evinin qarşısına dağıdılmış Qurani-Kərim qoydular
-
“Diktatura rejimlərindən asılılığmızı azaltmalıyıq”
“Rusiyanın qələbəsi digər “təcavüzkar ölkələri” gücləndirə bilər”
-
Orduya güvən 50 faizin altında
ABŞ ictimaiyyəti Əfqanıstandan çıxmanı inamsızlığın ən böyük səbəbi sayır
-
“Patriot” müzakirələri
NATO Ukraynaya HHM sistemlərini danışarkən Rusiyadan təhdid özünü yetirdi
-
“Putinin strategiyası işə yaramadı”
Bıinken: “Milyonları soyuğa və qaranlığa sürüklədi”
-
“Türkiyə tarix təyin etməyib”
Finlandiyadan NATO bəyanatı: “İrəliləyiş olacaq”
-
Bağlı qapılar arasında açıq söhbət
NATO zirvəsində nə danışılıb?
-
Parisin Ankara narahatçılığı
Türkiyənin İsveçdən PKK tələbi Fransanın dövlət kanalını göynədib
Moskva bəyan edib ki, NATO-nun Rusiya sərhədi yaxınlığında mümkün nüvə qüvvələri və infrastruktur yerləşdirməsinə adekvat cavab tədbirləri görəcək. Bunu mayın 14-də jurnalistlərə açıqlamasında Rusiya xarici işlər nazirinin müavini Aleksandr Qruşko bildirib.
“Reuters”in məlumatına görə, Qruşko qeyd edib ki, Moskvanın Finlandiya və İsveçə qarşı heç bir düşmənçilik niyyəti yoxdur və bu iki ölkənin NATO İttifaqına qoşulması üçün “real” səbəblər görmür.
Qeyd edək ki, Rusiya qəti şəkildə NATO-nun onun sərhədlərinə doğru genişlənməsinə qarşı çıxır.
NATO-nun baş katibi Yens Stoltenberq bu günlərdə deyib ki, Finlandiya və İsveç üzvlüklə bağlı rəsmi qaydada müraciət etsələr, təşkilat onların bu istəyini qəbul edəcək.
Rəsmilərin sözlərinə görə artıq bu ölkələr bir neçə həftəyə NATO-ya üzvlüklə bağlı rəsmi müraciət göndərə bilərlər.
İsveç hökuməti hazırda ölkənin NATO-ya qoşulmasının Moskva tərəfindən mümkün pis nəticələrini götür-qoy edir.
Finlandiya rəsmiləri isə mayın 12-də , ölkənin tezliklə NATO-ya üzvlük ərizəsi verməsinin tərəfdarı olduğunu bildiriblər.
Finlandiya Türkiyənin mövqeyinə səbirli yanaşmağa çağırdı.
Finlandiyanın xarici işlər naziri Pekka Haavisto mayın 13-də bəyanat verərək Ankaranın Finlandiya və İsveçin NATO-ya qoşulmalarına qarşı mənfi mövqeyinə münasibət bildirib. O, bu məsələdə səbirli olmağa və Ankaranın bu mövqeyinə qarşı yanaşmada addım-adım hərəkət etməyə çağırıb: “Bu cür proseslərdə bir qədər səbir lazımdır, bu bir gündə baş vermir. Gəlin problemləri addım-addım həll edək”, deyə Haavisto jurnalistlərə bildirib.
ABŞ Müdafiə Nazirliyi isə bundan əvvəl bildirib ki, Birləşmiş Ştatlar, Türkiyə prezidenti Rəcəb Tayyib Ərdoğanın Finlandiya və İsveçin NATO-ya qoşulmaq istəmələri barədə dediklərinə aydınlıq gətirməyə çalışır, amma Ankaranın bu alyansdakı mövqeyi buna görə dəyişməyib.
“Reuters”in məlumatına görə, bunu mayın 13-də nazirliyin sözçüsü Con Kirbi jurnalistlərə açıqlamasında deyib.
Agentlik yazır ki, Ərdoğanın açıqlaması Finlandiya üçün sürpriz olub. Çünki Haavisto son aylarda iki dəfə Türkiyəyə səfər edib. Bundan başqa aprelin əvvəllərində Finlandiya prezidenti Sauli Niinisto ilə Erdoğan arasında telefon söhbəti olub və Niinisto həmin danışıqlardan sonra özünün “Twitter” səhifəsində, Ankaranın Finlandiyanın bu istəyini dəstəklədiyini yazıb.
Qeyd edək ki, Türkiyə prezidenti Rəcəb Tayyib Ərdoğan mayın 13-də deyib ki, onun ölkəsi Finlandiya və İsveçin NATO-ya qoşulmasına “müsbət baxmır”.
Ərdoğan jurnalistlərə aşıqlamasında bunun səbəbinin, İsveç və digər Skandinaviya ölkələrində kürd separatçıları və Türkiyənin terrorçu hesab etdiyi başqa qruplara dəstək verməsinə dair Ankaranın iddiaları ilə bağlı olduğunu deyib.
Ərdoğan qeyd edib ki, Türkiyə vaxtilə Yunanıstanla bağlı buraxdığı “səhvi” təkrarlamaq istəmir.
O deyib ki, Türkiyə 1980-ci ildə Yunanıstanın NATO-ya təkrar qoşulmasına razılıq versə də, Afina sonradan Ankaraya düşmən mövqe tutub.
Qərb agentlikləri yazır ki, Türkiyə NATO-dakı veto hüququndan istifadə edərək bu prosesi əngəlləyə bilər, çünki bu məsələdə bütün üzvlərin səsi lazımdır.