vaxtlı-vaxtında oxuyun! Cümə axşamı, 11 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
QARABAĞ  
12:03 | 9 iyun 2022 | Cümə axşamı Məqaləyə 446 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Ermənilər Xocalının kəndlərindən gedir

Pirlərdə məskunlaşanların əksəriyyəti yaşayış məntəqəsini tərk edib

MÖVZU İLƏ ƏLAQƏLİ

Xocalı rayonunda yerləşən və bu ilin martında Azərbaycan Ordusunun nəzarətinə keçən Fərrux kəndindəki vəziyyət son iki ayda faktiki olaraq dəyişməyib. Rusiyalı sülhməramlılar erməni ailələrə Fərruxdakı evlərinə qayıtmağa imkan vermirlər.

Həmin ailələr Fərrux erməni tərəfdən işğal ediləndən sonra kəndə yerləşmiş, azərbaycanlıların evlərini qəsb edərək yaşamağa başlamışdılar.

Azərbaycan Ordusunun əsgərləri kəndin yanındakı strateji önəmli Daşbaşı yüksəkliyindədir. Kəndin özündə isə rusiyalı sülhməramlılar növbə çəkirlər. Daşbaşıdakı mövqelərimizə aparan təminat yolları kənd ərazisindən keçir. Yəni bu ilin martından bəri kənd mövqelərimizin arxasında qalıb.

Özünü "Fərrux kənd icmasının rəhbəri" adlandıran Vardan Miakelyanın dediyinə görə, 44 günlük İkinci Qarabağ Müharibəsi başlayana qədər kənddə 20 erməni ailəsi yaşayırmış. Həmin ailələrdən böyük qismi müharibə bitəndən sonra kəndi tərk edib, çünki Ağdam rayonu işğaldan azad olub, Fərrux yaxınlığında isə Azərbaycan Ordusunun mövqeləri yerləşdirilib.

Fərrux ordumuzun nəzarətinə keçəndən sonra isə kənddə məskunlaşmış son erməni ailələri də gediblər. Fərruxdan 5 kilometr aralıdakı Pirlər kəndindəki ermənilərin də əksəriyyəti həmin yaşayış məntəqəsini tərk ediblər.