vaxtlı-vaxtında oxuyun! Bazar ertəsi, 27 iyun 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
REGİON  
10:41 | 23 iyun 2022 | Cümə axşamı Məqaləyə 294 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Putinə qarşı xüsusi əməliyyat

Rusiya prezidenti cavab versə də uduzacaq, verməsə də ...

X.CƏFƏRLİ

MÖVZU İLƏ ƏLAQƏLİ

Vaşinqton Rusiya diplomatlarını və onların ailə üzvlərini evlərinə aparmalı olan Rusiya dövlət aviasiyasının ABŞ-a xüsusi reysinə icazə verməyib. Böyük Britaniya Rusiyanın Avropada Təhlükəsizlik və Əməkdaşlıq Təşkilatının Parlament Assambleyasındakı (ATƏT) nümayəndə heyətinin üzvlərinə viza verməkdən imtina etdiyi üçün onlar Assambleyanın iclasında iştirak edə bilməyəcəklər. Litva Rusiyadan Kalinqrada və əks istiqamətdə daşınan yüklərin təxminən 50 faizinə qadağa qoyub. ABŞ Dövlət Departamenti Ukraynada müharibə başa çatana qədər Rusiyaya qarşı təzyiqləri davam etdirəcəyini bəyan edib. Rusiyanın Litvanı təhdid etməsinə cavab olaraq ABŞ Dövlət Departamenti dərhal NATO-nun 5-ci maddəsini xatırladıb.

Rusiyaya ilə bağlı bir neçə hadisə və bəyanatı ard-arda düzərək bir yerdə oxuduqda vahid bir siyasət həyata keçirildiyini aydın görmək olur. Belə görünür ki, Putinə qarşı xüsusi əməliyyat həyata keçirilir. Əgər onun əsəbləri dözməyib faciəvi səhvə, Litvaya hücuma qərar versə, bu Rusiya üçün fəlakət olacaq. Rusiyanın hücum olacağı təqdirdə NATO dərhal kollektiv cavab verəcək. Ukrayna qarşı müharibədə ciddi üstünlük qazana bilməyən və böyük itkilər verən Rusiya ordusunun NATO-ya qarşı heç bir şansının olmadığı isə artıq hər kəsə aydındır.

Litvaya hücum etməsə və Kalininqradın blokadasını aradan qaldıra bilməsə, Rusiya rəsmilərinin və təmsilçilərinin beynəlxalq tədbirlərdə iştirakını təmin etməsə, bürokratiya və xalqın gözündə Putin qüdrətli lider obrazını itirəcək. Bu proses ona qarşı etimadsızlığı gücləndirəcək. Məmurların və xalq kütləsinin Putinə qarşı çıxması üçün onun lider obrazı dağılmalıdır.  

Göründüyü kimi Putin ona qarşı həyata keçirilən xüsusi əməliyyata cavab versə də uduzacaq, verməsə də.