vaxtlı-vaxtında oxuyun! Cümə axşamı, 9 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
REGİON  
17:19 | 23 iyun 2022 | Cümə axşamı Məqaləyə 488 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İranda dərman kəskin bahalaşıb

Böhranın daha da dərinləşəcəyi gözlənilir

CAVİDAN

İranda dərman preparatlarının qiymətləri kəskin bahalaşıb. Bir sıra dərman preparatlarının qiyməti 5 dəfədən çox artıb. Bundan öncə hakimiyyət rəsmilərinin qıtlıq və bahalığın müvəqqəti olacağı ilə bağlı vədlər vermişdi. Lakin xüsusilə İbrahim Rəisinin prezident seçilməsindən bu yana qiymətlər artmaqda davam edir.

İran parlamentinin Səhiyyə Komissiyasının üzvü Məhəmmədəli Möhsün Bənpey mediaya verdiyi açıqlamada deyib ki, hökumətin sığorta şirkətlərinə dərmanlarla bağlı subsidiya verəcəyi təqdirdə belə, doğru nəzarət sistemi olmadığı üçün problem çözülməmiş qalacaq. 

Xatırladaq İranda dərman çatışmazlığı da şiddətlənib. Xammalın idxalı dayandırıldığı üçün bu sənaye sahəsində böhranın daha da dərinləşəcəyi gözlənilir.

Dərman istehsalı müəssisələrinin verdiyi məlumata görə, xammal vaxtında təmin olunmadığı üçün bir sıra istehsal bölmələri bağlanıb və başqa bölmələrin də fəaliyyətinin tamamilə dayandırılacağı gözlənilir.

Dərman Sənayesi Sahiblərinin Birliyinin yaydığı xəbərdarlıqda durumun belə davam edəcəyi təqdirdə avqust ayından başlayaraq bütün müəssisələrin bağlanacağı və dərman çatışmazlığının pik həddə çatacağı qeyd olunur.

Dərman Sənayesi Sahiblərinin Sindikatının başçısı Məhəmməd Əbdzadənin verdiyi məlumata görə, hazırda ölkədə 300 adda dərman tamamilə yoxa çıxıb və adi antibiotik və serum çatışmazlığı yaşanır.

Talassemiya Xəstələrinə Dəstək Birliyinin başçısı Yunis Ərəb isə mediaya verdiyi açıqlamada son bir neçə ay ərzində dərman çatışmazlığı səbəbindənn ən azı 70 talassemiya xəstəsinin öldüyünü bildirib.