vaxtlı-vaxtında oxuyun! Cümə axşamı, 11 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Fikir müxtəlifliyi təbii hadisədir. Hamı bir boyda ola bilmədiyi kimi, eyni fikirdə də ola bilməz»

Heydər Əliyev (1923 - 2003)
REGİON  
11:15 | 26 iyun 2022 | Bazar Məqaləyə 431 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Meşə yanğınları “nəzarət altındadır”

Rəsmilər 250 futbol meydançası böyüklüyündə sahənin yandığını deyir

MÖVZU İLƏ ƏLAQƏLİ

Rəsmilərin bildirdiyinə görə, yanğınsöndürənlər Türkiyənin cənub-qərbində baş verən meşə yanğınlarını əsasən söndürüblər. Bu barədə Kənd Təsərrüfatı və Meşə naziri Vahit Kirişçi bildirib.

Yanğının söndürülməsi üzrə əməliyyata Azərbaycanın ayırdığı yanğınsöndürən təyyarə də daxil, çox sayda texnika və heyət cəlb olunub.

Çərşənbə axşamı Bördübet bölgəsində başlayan yanğın Türkiyənin Egey sahilindəki Marmaris kurortunun yaxınlığında yayılmağa başlayıb.

Muğla bölgəsinin rəsmiləri, ehtiyat tədbiri olaraq bölgədən 275-ə yaxın insanın təxliyə edildiyini deyiblər.

Yanğının səbəblərini araşdıran hüquq-mühafizəçiləri bir nəfərin saxlanıldığını bildirirlər. 

İddia olunur ki, 34 yaşlı şəxs ona torpaq sahəsi vermək istəməyən ailəsinə açıq etdiyi üçün yanğın törətmək qərarına gəlib.

“1988-ci il təvəllüdlü S.A. adlı şübhəli törətdiyi cinayəti etiraf edib. Hadisə yerindən 2 ədəd benzin kanistrası müsadirə olunub. Şübhəli şəxs hadisəni ailəsi ilə ədavət zəminində törətdiyini bildirib”, – Daxili işlər naziri Süleyman Soylu bildirib.

Rəsmilər ötən gün ərzində 250 futbol meydançası böyüklüyündə sahənin yandığını deyirlər.

“Son 12 saatda 180 hektar meşə yanıb”, – Muğla şəhərinin bələdiyyə başçısı deyib.

Osman Gürünün sözlərinə görə, ümumilikdə yanğına məruz qalan sahə 3417 hektar təşkil edir.

Keçən il Türkiyənin Aralıq dənizi və Egey bölgəsində insan ölümü ilə nəticələnən meşə yanğınları, ətraf mühitə və iqtisadiyyata ağır zərbə yetirib.