vaxtlı-vaxtında oxuyun! Cümə axşamı, 11 avqust 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Əmin Rəsulzadə (1884 - 1955)

«İnsanlara hürriyət
Millətlərə istiqlal»

Məhəmməd Əmin Rəsulzadə (1884 - 1955)
REGİON  
09:20 | 1 iyul 2022 | Cümə Məqaləyə 699 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İranın raket proqramı təhlükədir

Tehran MAQATE-nin 27 kamerasını sıradan çıxarıb

CAVİDAN

MÖVZU İLƏ ƏLAQƏLİ

Təhlükəsizlik Şurasının nüvə danışıqları ilə bağlı 2231 saylı qətnamənin icrasını nəzərdən keçirmək üçün keçirilən iclasında Amerika nümayəndəsi Richard M.Mills İranın raket proqramının bölgə ölkələri üçün təhdid olduğu barədə fikirləri yenidən səsləndirib.

Səudiyyə Ərəbistanı və Birləşmiş Ərəb Əmirliklərinə atılan raketlərin İran istehsalı olduğunu bildirərək, Vaşinqtonun bu hücumları pislədiyini bildirib.

“İranın regionda öz proksi qruplarına raket texnologiyalarını yaymaq və ötürmək fəaliyyətinə son qoyulmalıdır”, – deyə, Amerika nümayəndəsi qeyd edib.

Bununla yanaşı Mills Amerikanın sazişi yalnız İranın nüvə razılaşması çərçivəsindən kənar olan əlavə tələblərindən imtina edəcəyi təqdirdə yekunlaşdıra və həyata keçirə biləcəyini söyləyib.

Bununla yanaşı Böyük Britaniyanın BMT-nin Təhlükəsizlik Şurasındakı nümayəndəsi Barbara Vud Uord amerikalı həmkarının fikirlərini dəstəkləyərək İranın nüvə proqramının heç vaxt indiki qədər inkişaf etmədiyini deyib.

“İranın nüvə fəaliyyətləri beynəlxalq sülh və təhlükəsizliyə təhdiddir və İran qabaqcıl sentrifuqaların quraşdırılması hesabına zənginləşdirmə qabiliyyətini artırıb.

İran Beynəlxalq Atom Enerjisi Agentliyinin 27 müşahidə kamerasını sıradan çıxarıb və Tehran hökuməti 2231 saylı qətnamənin “B” Əlavəsini pozaraq ballistik raketlər yaratmaqda davam edir”, – deyə Böyük Britaniyanın nümayəndəsi bildirib.

Qeyd edək ki, İran nüvə danışıqlarının davam etdirilməsi və razılığın əldə olunması üçün İnqilab keşikçiləri Korpusunun adının terrorçu qruplar siyahısından çıxarılması şərtini irəli sürüb.

Bu, Amerikanın bir çox siyasətçiləri, bəzi ölkələrin rəsmiləri və bir sıra iranlı siyasi və mədəni fəallar tərəfindən kəskin reaksiyalarla qarşılanıb.