vaxtlı-vaxtında oxuyun! Şənbə, 1 oktyabr 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Şah İsmayıl Xətai (1487 - 1524)

«Söz vardır kəsdirir başı,
Söz vardır kəsər savaşı»

Şah İsmayıl Xətai (1487 - 1524)
AVROPA  
21:47 | 19 iyul 2022 | Çərşənbə axşamı Məqaləyə 345 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Qaz şantajı

Rusiya Avropaya mavi yanacağın verilməsini tamamilə kəsə bilər

Rusiyanın “Gazprom” şirkəti Avropadakı müştərilərinə bildirib ki, “ondan asılı olmayan fövqəladə səbəblərə görə” qazın fasiləsiz nəqlinə zəmanət verə bilmir. Bu barədə məlumatı “Bloomberg” və “Reuters” agentlikləri “Gazprom” şirkətinin məktubuna istinadən veriblər. Bu da qeyd olunur ki, söhbət spesifik olaraq Rusiya qazının Şimal Axını 1 kəməri ilə Almaniyaya və onunla qonşu ölkələrə nəqlindən gedir.

Agentliklər bildirirlər ki, “Gazprom”un məktubu müştərilərə 4 gün bundan əvvəl verilib, lakin iyunun 14-dən bəri olan təchizat dövrünü əhatə edir.

“Energy Aspects” konsaltinq şirkətinin nümayəndəsi Trevor Sikorski “Bloomberg” agentliyinə deyib ki, “Gazprom” şirkətinin məktubu keçmiş tarixlə göndərməsi onun qaz təchizatını iyulun 21-dən sonra da bərpa etməmək niyyətindən xəbər verə bilər.

“Şimal Axını 1” kəmərinə plan üzrə texniki xidmət dövrü məhz həmin tarixdə başa çatmalıdır.

Almaniyada belə məktub alan ən iri şirkətlərdən biri də “Uniper” şirkətidir. “Uniper” bildirib ki, “Gazprom” şirkətinin müraciətini əsassız kimi rədd edib. “Gazprom” şirkətindən xəbərdarlıq məktubu Almaniyada iri elektrik istehsalçısı olan “RWE” şirkətinə də verilib.

***

Lakin Avstriyanın “OMW” neft-qaz qrupu “Şimal Axını 1” kəməri ilə təchizatın vaxtında bərpa olunacağını gözləyir.

Avropa İttifaqının liderləri narahatdırlar ki, Rusiya üzərindəki sanksiyaların qaldırılması üçün başqa ölkələri də qazın dayandırılması ilə şantaj edə bilər.

“Gazprom” şirkəti iyunun 16-dan “Şimal Axını 1” kəməri ilə qazın nəqlini 60 faiz azaldıb.

Şirkət bunu sanksiyalara görə onun qaz nasos kompressorlarından birinin Kanadada ilişib qalması ilə izah edib.

“Siemens” şirkəti bu aqreqatı məhz Kanadada təmir edirdi. İyulun 11-dən Şimal Axını 1 kəməri ilə qazın nəqli tamamilə dayandırılıb. İyulun 17-də “Siemens Energy” təmir olunmuş kompressoru Almaniyaya göndərib.

Antirusiya fəalları buna hiddətli reaksiya veriblər.