vaxtlı-vaxtında oxuyun! Çərşənbə axşamı, 25 iyun 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Əgər qılınc pas atıbsa, deməli sahibi ölübdür»

Babək Xürrəmi (798 - 838)
BÖHRAN  
22:51 | 18 may 2024 | Şənbə Məqaləyə 1113 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Aşağı orbitdəkilər məhv ola bilər”

“Rusiya nüvə silahının sınaqdan keçirilməsi üçün kosmosa peyk göndərdi”

CAVİD

MÖVZU İLƏ ƏLAQƏLİ

ABŞ iddia edib ki, Rusiya Ukrayna müharibəsindən əvvəl nüvə başlığı daşıya bilən peyk əleyhinə silahı sınaqdan keçirmək üçün kosmosa peyk buraxıb.

Kimliklərinin açıqlanmamasını istəməyən ABŞ rəsmiləri, ölkənin aparıcı qəzetlərindən biri olan “Wall Street Journal”a (WSJ) “Kosmos-2553” adlı peykin 5 fevral 2022-ci ildə (Ukrayna müharibəsi həmin il fevralın 24-də başlayıb) orbitə göndərildiyini iddia ediblər.

Amerika rəsmiləri “Kosmos-2553”ün nüvə silahı daşımadığını bildiriblər. Bununla belə, peykin Rusiyanın nüvə peyk əleyhinə silah proqramının bir hissəsi olduğu iddia edilir. Rusiya rəsmiləri iddiaları təkzib edərək “Kosmos-2553”ün tədqiqat peyki olduğunu iddia ediblər.

Rəsmilərin fikrincə, bu silah istifadə olunarsa, aşağı yer orbitində olan yüzlərlə peyk nüvə partlayışı nəticəsində məhv ola bilər. Bu orbit Yer ətrafında 160-2000 kilometr yüksəkliyə uyğundur.

Məhvolma təhlükəsiilə üz-üzə qalan peyklər arasında texnoloji milyarder İlon Maskın “SpaceX” şirkəti tərəfindən orbitə göndərilən qurğular da var. “SpaceX”in iddialarla bağlı qəzetin şərhinə cavab verməyib.

Qəzet bu orbitdə fəaliyyət göstərən ən çox peykin ABŞ-a aid olduğunu qeyd edib. Kosmik məlumat firması “LeoLabs”ın açıqlamasınada qeyd olunur ki, aprel ayına olan məlumata görə, regionda təxminən 6700 ABŞ peyki var. Bunlardan bəziləri Pentaqon tərəfindən də istifadə olunur. Rusiyaya məxsus peyklərin sayı isə 149-dur.

Nümayəndələr Palatasının Kəşfiyyat Komitəsinin direktoru Mayk Turner fevral ayında verdiyi bəyanatda Rusiyanın proqramını “ciddi milli təhlükəsizliyə təhdid” kimi qiymətləndirib. Ağ Ev də Kremlin həyata keçirdiyi fəaliyyətlərin həyəcan verici olduğunu bildirib.

Digər tərəfdən Putin, həmin ayda etdiyi açıqlamada, iddiaların əsassız olduğunu bildirərək, “Biz hər zaman kosmosda nüvə silahının yerləşdirilməsinə qarşı olmuşuq” deyib.

Qəzet ABŞ Kəşfiyyat İdarəsinin və Milli Təhlükəsizlik Şurasının peyklə bağlı şərh tələblərini rədd etdiyini yazıb.