Rusiyanın təhsil və elm naziri Olqa Vasilyeva MDB məkanında vahid kiril əlifbasına keçməyə çağırıb. Virtualaz.org «RİA Novosti»yə istinadla xəbər verir ki, nazir «Rus dünyası və rus dili: tarixi kölər və inkişaf istiqamətləri» adlı Forumda çıxışı zamanı bu haqda danışıb.

«Son 10 ildə olduqca böyük mövzu gündəmdə olub: şriftlərin latınlaşması və ərəbləşməsi. Budur, indi biz bütün MDB məkanında vahid əlifbaya-kirill əlifbasına keçməliyik. Çünki sorğular da göstərir ki, bizim yaxın xaricin əhalisi hər halda kirill əlifbasına sadiqlik barədə danışırlar», - Vasilyeva bildirib.

Nazirin fikrincə Rusiya kirill əlifbasının yayılması məsələsində çox dəqiq mövqe nümayiş etdirməlidir. «Hərçənd son iyirmi ildə bu mövqe bir qədər zəifləyib», - Olqa Vasilyeva deyib.

SSRİ dağılandan sonra MDB respublikalarından Özbəkistan, Türkmənistan və Azərbaycan kirill əlifbasından latın əlifbasına keçiblər. Qazaxıstan da bu yaxınlarda latın əlifbasına keçidi elan edib və bu prosesin 2018-ci ildə tamamlanacağını bildirib.