İsrail mediası “Kanal 13”ün mənbəyi göstərmədən verdiyi xəbərinə görə, İsrailin strateji işlər naziri Ron Dermer ABŞ administrasiyasına məlumat verib ki, baş nazir Benyamin Netanyahunun çərşənbə günü Konqres qarşısında çıxışında ABŞ prezidenti Co Baydeni tənqid etməyəcək.

Kanal Netanyahuya yaxın olan Dermerin bu zəmanətləri ABŞ-ın milli təhlükəsizlik müşaviri Ceyk Sallivanın İsrail rəsmilərindən Netanyahunun çıxışının məzmunu ilə bağlı məlumat istəməsindən sonra verdiyini bildirib.

İsrailin baş nazirinin dünən (bazar ertəsi) Vaşinqtona getməzdən əvvəl noyabrda keçiriləcək prezident seçkilərində kimin qalib gəlməsindən asılı olmayaraq, İsrailin ABŞ-ın Yaxın Şərqdəki ən güclü müttəfiqi olacağını bildirməsi diqqət çəkib.

Netanyahu, karyerası boyunca İsrail üçün etdiyi hər şeyə görə Baydenə təşəkkür edəcəyini bildirdi.

Bu səfər, Netanyahunun 2022-ci ilin sonunda altıncı müddətə baş nazir olaraq seçilməsindən sonra onun ən mühüm beynəlxalq müttəfiqinə ilk səfəri olacaq ki, bu da əvvəllər heç vaxt baş verməyib. Bununla belə, “Reuters” agentliyinin məlumatına görə, onun səfəri Baydenin bir daha namizəd olmamaq qərarı ilə kölgədə qalıb.