NATO-nun avropalı müttəfiqlərinin müdafiə xərclərini qeyri-adekvat hesab edən ABŞ bu mövzuda təzyiqlərini artırır.

ABŞ prezidenti Donald Trampın üzv ölkələrin ümumi daxili məhsulunun 5 faizini müdafiə xərclərinə ayırması tələbi ilk dəfə NATO-da nazirlər səviyyəsində rəsmi olaraq müzakirə edilib. ABŞ Müdafiə Naziri Pit Heqset NATO Müdafiə Nazirləri Toplantısı öncəsi verdiyi açıqlamada hazırkı 2 faizlik hədəfin qeyri-kafi olduğunu bildirib və ölkəsinin yüzdə 5 tələbini təkrarlayıb. ABŞ-ın tələb etdiyi 5 faizlik hədəf bir çox NATO üzv dövlətləri üçün nə siyasi, nə də iqtisadi cəhətdən əldə edilə bilməz. 32 ölkədən yalnız 24-ü 2014-cü ildə qarşıya qoyulan 2 faizlik hədəfi yerinə yetirə bilib. Ən yüksək göstəricilər Polşa (4,1 faiz), Estoniya (3,4 faiz) və ABŞ-da (3,3 faiz) qeydə alınıb. Ümumi rəy belədir ki, 2 faiz dərəcəsi artırılmalıdır, amma faiz 5 faiz yox, 3 faiz və ya bir qədər yuxarı olmalıdır. Türkiyə də hədəfin yüksəldilməsini dəstəkləyir, lakin hələlik məzənnəyə konkret bir yanaşma yoxdur. Yeni məzənnənin iyun ayında Haaqada keçiriləcək sammitdə müəyyənləşdirilməsi hədəflənir.