Almaniya kansleri Fridrix Merz bu seçki dövründə ən önəmli prioritetinin Almaniyanı resessiyadan çıxarmaq və Avropa müdafiəsini gücləndirmək olduğunu qeyd etdi.

Ötən həftə baş nazirin ənənəvi yay brifinqində jurnalistlərlə danışan Alman lider, vətəndaşların problemlərini həll etməkdə “çox qaydasevər, çox bürokratik, çox yavaş” olduğunu söylədiyi Avropa Birliyini (AB) sərt şəkildə tənqid etdi.

O, əlavə olaraq miqrasiya probleminin də mütləq həll olunmalı olduğunu vurğuladı.

Merz bildirib ki, Almaniya Polşa ilə sərhəddə nəzarəti həyata keçirir, Polşa isə Litva ilə sərhəddə öz müdafiəsini gücləndirib. O, Rusiya və Belarusu Avropaya miqrant axını təşkil etməkdə günahlandırıb.

Avropalı liderlər Emmanuel Makron, Donald Tusk və Keir Starmer ilə olan yaxın münasibətlərinə diqqət çəkən Merz, ABŞ Prezidenti Donald Trampın ticarət siyasətləri ilə yanaşı, İsrail və Qəzzədəki vəziyyətə həll tapmaq üçün amerikalı tərəfdaşları ilə intensiv şəkildə işlədiklərini bildirib.