Kanselor Angela Merkel ABŞ-ın Almaniyada casusluğu dayandıracağına şübhə edir. İyulun 11-də «Ağ Ev» təmsilçisi Coş Ernest (Josh Earnest) mətbuat qarşısına bəyan etdi ki, Almaniyanın casusluqla bağlı cavab reaksiyası ABŞ-ı qıcıqlandırır. Məlumatı «Reuters» xəbər agentliyi yayımlayıb.

İyulun 12-də Almaniya ictimai televiziyası «ZDF» ile müsahibədə kansler Angela Merkel Almaniyaya qarşı casusluğu tənqid etmiş, lakin təhlükəsizlik xidmətlərinin ABŞ kəşfiyyat agentlikləri ilə birgə əməkdaşlığının davam etdirəcəyini bildirmişdir. Müsahibə bazar günü axşam efirə veriləcək.

«Mən düşünürəm ki, ABŞ kəşfiyyat orqanlarını öz işləmə metodlarını tamamilə dəyişdirməyə inandırmaq elə də asan deyil», - deyə Merkel vurğulayıb. ABŞ agentliklərinin sırf Almaniya ilə bağlı casusluğa gəlincə öz iş siyasətlərinə dəyişiklik edəcəyini gözləyirsinizmi sualına, Merkel əlavə edib: «Mən bunu proqnozlaşdıra bilmərəm, ancaq ümid edirəm bu dəyişəcək».

Cümə axşamı, Almaniya xarici işlər nazirliyi ABŞ Mərkəzi Kəşfiyyat Agentliyinin Berlindəki ən güclü casusunun ABŞ-a yola salınmasını tələb etmişdi. Bu addım ABŞ casus agentliklərinin iki almanı öz sıralarına alması ilə bağlı xəbərlərdən sonra olmuşdu. Bunlar, deyilənə görə ABŞ Mərkəzi Kəşfiyyat Agentliyinə 25,000 avro (34,000 ABŞ dolları) müqabilində sirlər satan xarici kəşfiyyat idarəsinin işçisi və ittihamları inkar edən müdafiə nazirliyinin rəsmisidirlər.

Almaniyanın «isteriyası»

İyulun 11-i ABŞ rəsmiləri qalmaqalı jurnalistlərlə müzakirə etmişlər. «Ağ Ev» təmsilçisi Çoş Ernest Almaniyanın ABŞ casuslarının onların hökumət daxilində olmasına verdiyi reaksiyadan qıcıqlandığını gizlətməmişdir.

«ABŞ və Almaniya kimi mükəmməl kəşfiyyat agentliklərinə sahib müttəfiqlər daha yaxşı anlayır ki, bu cür kəşfiyyat yönümlü əməkdaşlıq və fəaliyyət öz-özlüyündə nəyi ifadə edir», deyə Ernest mətbuat yığıncağında bildirmişdir. «Hər hansı dəyişikliklər mövcud xüsusi kanallar vasitəsilə daha effektiv həll olunur, nəinki media vasitəsilə», - deyə o əlavə edib.

ABŞ Kəşfiyyat Komitəsinin sədri Mayk Rocers (Mike Rogers) Almaniyanı «isteriya» nümayiş etdirməkdə ittiham etmişdir. Miçiqan ştatından olan Respublikaçı CNN xəbər agentliyinə bildirmişdir ki, ABŞ kəşfiyyatı neçə «alman həyatı» xilas edib və rəsmi Berlin məsələ ilə bağlı «yetkin kimi söhbət» etməkdən yayınır.

ABŞ rəsmilərinin cavabı Almaniya Xarici İşlər Naziri Frank-Vater Şteynmeyr Vaşinqtondakı həmkarlarına zeytun budağı təklif etməsindən bir neçə saat sonra olmuşdur. Həmçinin media vasitəsilə Şteynmeyr bildirmişdir ki, casusluqla bağlı qalmaqala baxmayaraq Alman rəsmiləri ABŞ-la dostluğu yeniləmək istərdilər.

«Biz istərdik ki, bizim əməkdaşlığımız, bizim dostluğumuz dürüst bünövrə üzərində yenidən qurulsun», - deyə cümə günü Steinmeier jurnalistlərə bildirmişdir. Həmçinin o vurğulamışdır ki, münasibətlər təkcə qarşılıqlı güvən deyil, həm də hörmət üzərində qurulmalıdır.

«Biz istənilən halda buna hazırıq», - deyə Şteynmeyr bildirmişdir.