«ABŞ-ın 45-ci prezidenti seçilən Donald Tramp fundamental bir şeyi anladı ki, Amerika ilə Rusiya arasında ayrı-ayrı məsələlər üzrə fikir ayrılığı olsa da, onlar bunu əməkdaşlıq və dostluq üslubunda həll etməlidirlər».

Modern.az xarici KİV-ə istinadla xəbər verir ki, bunu İtaliyanın sabiq baş naziri Silviyo Berluskoni deyib.

Onun fikrincə, Rusiya beynəlxalq aləmdə problemlərin birgə həll olunması üçün vacib ölkədir: İslam ekstremizmindən tutmuş, immiqrasiya problemlərinə qarşı mübarizəyə qədər.

«Rusiya prezidenti Vladimir Putin digər liderlərdən fərqli olaraq indiyə qədər fövqəladə vəziyyətlərin öhdəsindən gəlmək qabiliyyətini göstərib»-deyə o əlavə edib.

Berluskoni ABŞ-dakı seçkilərdə Trampın niyə qalib gəlməsi barədə də fikirlərini bölüşüb:

«Çünki Barak Obama beynəlxalq siyasətdə çox səhvlər etdi. O, «ərəb baharı»na dəstəkdən başlayaraq, İslam fundamentalizminə qədər məsələlələrdə yanlışlığa yol verdi. O, Rusiya ilə münasibətləri gərginləşdirdi. Obama Amerikanın mövqelərini zəiflətdi».