
“Absurd teatr”ın banisi
10 Mart Milli Teatr Gününə sözardı
10 Mart Milli Teatr Gününə sözardı
İlyas Əfəndiyevin tarixi dramı yeni yozumda səhnəyə gəldi...
Təəssüf ki, belə istedad sahibinə kinoda ancaq kiçikplanlı rollar həvalə olunub
Teatr Çingiz Aytmatovun “Gün var əsrə bərabər” romanını səhnələşdirdi
Xalq artisti Sofiya Bəsirzadənin 100 illiyi qeyd olundu
Çingiz Aytmatovun məşhur romanı səhnələşdirilib
Fuad Poladov: «Mədəniyyət Nazirliyi deyilən bir orqan tanımıram»
Tanınmış sənətkar niyə «mənə baş çəkməyə gələnlərin adını çəkmək istəmirəm» deyib?
Sabir Məmmədov: «Yeməyimiz olmayanda, başqa uşaqların yeməyini oğurlayırdıq»
Sənubər İsgəndərli: «Əvvəllər həyat indiki kimi cah-cəlallı deyildi»
Fuad Poladov: «İnsanlar deyə bilmədiklərinə görə ölürlər»
«Mən bu sənətin yeddidən vurğunuyam, yetmişdə də əsiri»
Mehriban Ələkbərzadə: «Amma üzdə olmamağımın səbəbi bu deyil»
Xalq artisti: «O tamaşaya görə mənim özümə cəmi 95 manat qonorar verdilər»
Azdrama Gürcüstan paytaxtında 2 gün qalıb
Fevralın 3-də saat 15:00-də Akademik Milli Dram Teatrında xalq artisti, görkəmli teatr və kino xadimi Hamlet Xanızadənin 75 illik yubileyi ilə bağlı anım mərasimi keçiriləcək.
Teatrın mətbuat xidmətindən AzadlıqRadiosuna verilən xəbərə görə, anım mərasimi Mədəniyyət və Turizm Nazirliyinin, Teatr Xadimləri İttifaqının, Akademik Milli Dram Teatrının və Dövlət Teatr Muzeyinin birgə təşkilatçılığı ilə baş tutacaq.
Tədbirdə aktyorun Azərbaycan kinosu və teatrının inkişafındakı xidmətlərindən danışılacaq, sənət dostları onunla bağlı xatirələrini bölüşəcək, sənətkarın çəkildiyi filmlərdən və teatr səhnəsində rol aldığı tamaşalardan parçalar göstəriləcək.
Tədbirin rejissoru Mərahim Fərzəlibəyov, ssenari müəllifi Çingiz Ələsgərli, rəssamı İlham Elxanoğludur.
Hamlet Xanızadə 1941-ci il iyunun 5-də Bakının Şağan kəndində doğulub.
1965-ci ildə Dövlət İncəsənət Universitetini bitirib.
Tələbəykən Dövlət Akademik Milli Dram Teatrına dəvət olunub.
Qeyri-adi istedadı ilə milyonlarla tamaşaçıların, dinləyicilərin, kinosevərlərin məhəbbətini qazanmış Hamlet Xanızadənin yaratdığı unudulmaz obrazlar milli teatrın həyatında hadisəyə çevrilib.
Hüseyn Cavidin «İblis», «Xəyyam», «Topal Teymur», Səməd Vurğunun «Vaqif», Cəlil Məmmədquluzadənin «Dəli yığıncağı», Nazim Hikmətin «Şöhrət və ya unudulan adam», Şekspirin «Antonio» və başqa tamaşalarda, «O qızı tapın», «Yeddi oğul istərəm», «Axırıncı aşırım», «Arxadan vurulan zərbə», «Qızıl uçurum», «İmtahan», «Göz qabağında şeytan balası», «Şəhərin yay günləri», «Babək», «Nizami», «Qətl günü» və onlarca filmdə yaddaqalan obrazlar yaradıb.
Cəmi 49 il ömür sürən Hamlet Xanızadə 1990-cı il fevralın 3-də vəfat edib.
Vəsiyyətinə görə Şağan kənd qəbiristanlığında dəfn olunub.