vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mirzə Fətəli Axundzadə (1812 - 1878)

«Əsil əxlaqlı, xeyirxah adam bütün hərəkət və davranışlarını vətənpərvərliklə uyğunlaşdırar»

Mirzə Fətəli Axundzadə (1812 - 1878)
SAĞLAMLIQ  
22:38 | 20 fevral 2019 | Çərşənbə Məqaləyə 2266 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

1 milyard insanı gözləyən risk

Yüksək səsli musiqi eşitmə qabiliyyətinə ciddi təhlükədir

MÖVZU İLƏ ƏLAQƏLİ

BMT agentlikləri audio cihazlarda musiqini yüksək səslə dinləyən 12 yaşla 35 yaş arasında 1 milyarddan artıq insanın eşitmə qabiliyyətini itirəcəyi riski barədə xəbərdarlıq yayıb.

Ümumdünya Səhiyyə Təşkilatı və Beynəlxalq Telekommunikasiya Birliyinin yeni beynəlxalq standartları smartfonlar və digər cihazları bu baxımdan daha təhlükəsiz edə bilər.

Musiqi dinləmək böyük bir zövqdür. Lakin səhiyyə ekspertləri gənclərin musiqi dinləmək zövqündən məhrum edilməməsinin vacibliyini önə çəkir. Onlar yüksək sədaların təhlükəsi və eşitmə qabiliyyətinə daimi zərər vurması barədə xəbərdarlıq yayıb.

Ümumdünya Səhiyyə Təşkilatı 1.1 milyard insanın eşitmə problemi riski barədə aydın dəlillərə malik olmadığını bildirsə də, ekspertlər 4 illik araşdırmalardan sonra yüksək musiqi sədalarının karlığa və ya eşitmə probleminə səbəb olduğu qənaətinə gəlib.

Araşdırmalar gənclərin dinləmə vərdişləri və səsin yüksəkliyi üzərində aparılıb. Alimlər deyir ki, bu məlumat karlıqla mübarizədə olduqca dəyərlidir.

Təhlükəsiz dinləmə üçün əsas tövsiyə nə müddətə və hansı yüksəklikdə musiqi dinləməsini müəyyən edən softveyrin əldə edilməsidir. Bundan əlavə avtomatik səs alınması sistemi və valideynlərin nəzarəti də tövsiyələr sırasındadır.

BMT agentlikləri hökumətlər və istehsalçıların yeni standartları qəbul edəcəyinə ümid bəsləyir.

Ümumdünya Səhiyyə Təşkilatı və Beynəlxalq Telekommunikasiya Birliyi 466 milyon insanın eşitmə problemindən əziyyət çəkdiyini və bunların böyük hissəsinin aşağı və ya orta gəlirli ölkələrin payına düşdüyünü bildirir.

Təxminlərə görə, bu göstərici 2050-ci ildə 900 milyona yüksələ bilər.