vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Babək Xürrəmi (798 - 838)

«Bir gün azad yaşamaq, qırx il boyunduruq altında yaşamaqdan daha üstündür»

Babək Xürrəmi (798 - 838)
BÖHRAN  
11:15 | 15 iyun 2019 | Şənbə Məqaləyə 1842 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Boğazlar bağlanmayacaq”

Böyük Britaniyadan sonra ABŞ-da İranı günahlandırdı

MÖVZU İLƏ ƏLAQƏLİ

ABŞ prezidenti Donald Tramp iyunun 14-də jurnalistlərə açıqlamasında iki gün əvvəl Oman dənizində iki neft tankerində baş vermiş partlayışların birbaşa İran tərəfindən törədildiyini bəyan edib.

Tramp deyib ki, o İranın nüvə silahına yiyələnməsinə, Amerikanın və onun regional müttəfiqlərinin mənafeyini təhdid etməsinə imkan verməyəcək: “Oman dənizində neft daşıyan iki tankerdə baş verən partlayışların birbaşa amili İrandır. Bu, həqiqətən də onların işidir. Bunu siz də bilirsiniz və onların qayıqlarını da görmüsünüz. Təsəvvür edirəm ki, hücum zamanı, İranın istehsalı olan minalardan biri partlamayıb və İranın bir qayığı qaranlıqda gəmiyə yaxınlaşaraq, partlamayan həmin minanı onun göyərtəsindən ayırmağa başlayır və buna nail də olur. Həmin səhnələrdən çəkilən video lentlər isə onların bu partlayışlarda əli olduğunu ifşa edir.

Amerikanın İranın bu kimi hücumlarının qarşısını necə alacağı ilə bağlı məsələyə gəlincə, biz bunu görəcəyik və nələr baş verəcəyinin şahidi olacağıq. Əlbəttə ki, Oman körfəzi bağlanmayacaq. Bu baş versə belə, onun bağlı qalması çox çəkməyəcək. Bu, Hörmüz boğazına da aiddir. Hörmüz boğazı da bağlansa, uzun zaman bağlı qalmayacaq”, – deyə Donald Tramp əlavə edib.

Xatırladaq ki, iyunun 13-də Oman dənizində Yaponiyaya məxsus iki neft tankerində partlayışlar baş verib və gəmilərdən birində yanğın əmələ gəlib. Gəmilərə bombalı hücum, Yaponiyanın Tehranda İranın dini lideri Əli Xamneyi ilə görüşdüyü günə və vaxta təsadüf edib. Rəsmi Tehran isə iki gəmiyə  hücumları “şübhəli” adlandıraraq, həmin hücumlarda əli olduğunu təkzib edib.