Tramp niyə «ağa ağ» demədi?
ABŞ prezidenti Çarlottesvill şəhərində baş vermiş toqquşmaları pisləsə də, «bütün tərəfləri» günahlandırdığına və ağ millətçiliyi pisləməkdən çəkindiyinə görə tənqid olunur
MÖVZU İLƏ ƏLAQƏLİ
-
“İqtisadiyyatlar ksenofobiya səbəbindən durğunlaşır”
Bayden deyir ki, Hindistan, Yaponiya, Çin və Rusiya immiqrantları istəmir
-
Oğurluqda günahlandırılır
Süni intellektə qarşı müəllif hüquqları iddiası qaldırılıb
-
6.5 milyard dollarlıq vəd
“Johnson & Johnson” anlaşma təklif edir
-
“İki dövlət həlli artıq çox çətindir”
Tramp “Time”a danışıb: “Nəticə ala bilməsələr, digər ordu birləşmələrini işə salacağam”
-
“Zombi maral xəstəliyi” epidemiyası
ABŞ-nin 50 ştatının 33-də müşahidə olunan virus insana yoluxurmu?
-
Reseptlə satılacaq
ABŞ-də tarixi “marixuana” hazırlığı
-
3,4 milyard dollarlıq təlatüm
Keçən il 60 yaşdan yuxarı 100 mindən artıq ABŞ vətəndaşı fırıldağın qurbanı olub
-
Seçkiqabağı sorğu həyəcanı
Tramp və Bayden arasındakı uçurum dərinləşir
-
2027-ci il kabusuna hazırlıq
Böyük müharibədən əvvəl qızıl tədarükü – Çin 17 ayda rekord qırdı
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
«The Daily Mail» yazır ki, ABŞ prezidenti Donald Tramp Çarlottesvill (Charlottesville) şəhərində baş vermiş toqquşmaları pisləsə də, «bütün tərəfləri» günahlandırdığına və ağ millətçiliyi pisləməkdən çəkindiyinə görə tənqid olunur.
Virciniya ştatında ağdərili millətçilərin yürüşü zamanı azı bir nəfərin öldüyü xəbər verilib.
Prezident öz çıxışında deyib: «Biz çox tərəflərdən qaynaqlanan fanatizmin və zorakılığın rüsvayçı nümayişini pisləyirik. Bu hal bizim ölkəmizdə bir müddətdir ki, davam edir».
NBC telekanalının müxbiri Halli Cekson (Hallie Jackson) Ağ Evdən dəqiqləşdirməyə çalışıb ki, Tramp «çox tərəflərdən» deyəndə nəyi nəzərdə tutub. Jurnalist Ağ Evdən aldığı izahatı «Twitter»də yayıb:
«Prezident bütün mənbələrdən və bütün tərəflərdən gələn nifrət, fanatizm və zorakılığı pisləyib. Bu gün etirazçılar və antietirazçılar arasında zorakılıq olub».
«The Mail» yazır ki, baş prokuror Ceff Sessions da (Jeff Sessions) «ağdərilililərin ağalığına» tərəfdar olanları pisləməkdən çəkinib.
Tramp həmçinin «qanun-qaydanın tezliklə bərpa olunmasına» çağırıb. O deyib ki, «bu gün uşaqlar həyətdə oynamaqdan qorxmamalıdırlar».
Prezident deyib ki, elə indicə Virciniya qubernatoru Terri Makaliffe ilə (Terry McAuliffe) danışıb və onların ortaq rəyi zorakılığın dərhal dayandırılmasının vacibliyi olub.
Bunun ardınca prezident onun başçılığı ilə ölkədə baş verən müsbət işlərdən, işsizliyin azalmasından və şirkətlərin ölkəyə «axınından» danışmağa başlayıb.
«Mən Çarlottesvill şəhərində baş verən hadisələrə baxanda çox kədərləndim - deyib Tramp, - hər şeydən əvvəl biz belə bir həqiqəti yadda saxlamalıyıq ki, rəng, din və siyasi partiyadan asılı olmayaraq biz ilk növbədə amerikalıyıq».
«Biz ölkəmizi sevirik, Allahımızı sevirik, bayrağımızı sevirik, ölkəmizlə fəxr edirik, kimliyimizlə fəxr edirik», - deyə prezident bildirib.
«The Mail» diqqəti belə bir məqama çəkir ki, Tramp öz çıxışında ağ millətçilərin və KKK-in adını çəkməyib.
KKK lideri Deyvid Dyuk (David Duke) bundan əvvəl, şənbə günü demişdi ki, ağların ağalığını dəstəkləyən nümayişçilər Trampın vədlərini yerinə yetirirlər.
«Bizim inandığımız budur və biz Donald Trampa buna görə səs vermişik» – deyə Dyuk bildirib.
«The Mail» yazır ki, baş verən hadisələrlə bağlı bir çox siyasətçilər Trampı kəskin tənqid ediblər.
Senator Patrik Lihi (Patrick Leahy) Trampı irqçilərin nümayişini pisləməkdə lənglik göstərdiyinə görə tənqid edib.
«Prezident Trampın sükutu utancverici və məsuliyyətsizdir», – deyə senator bildirib.
Trampdan fərqli olaraq Arkanzas qubernatoru Mayk Hukakbe (Mike Hucakbee) millətçiləri tənqid etməkdən çəkinməyib.
«Ağ irqçilik irqçiliyin ən pis formasıdır, şərdir, Allahın həqiqətinə həqarətdir. Allah hamını bərabər yaradıb», - deyə qubernator bildirib.
Polisin həbslər həyata keçirdiyi xəbər verilir, lakin bildirilir ki, küçələrdə irqçilər və onlara qarşı çıxanlar arasında toqquşmalar davam edir.