vaxtlı-vaxtında oxuyun! Bazar, 3 iyul 2022
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Əbülfəz Elçibəy (1938 - 2000)

«Demokratiya bəzi xalqlara mənəvi qidadırsa, bizim üçün dərmandır»

Əbülfəz Elçibəy (1938 - 2000)
AMERİKA  
10:49 | 18 may 2022 | Çərşənbə Məqaləyə 309 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Səsdən beş dəfə sürətli

ABŞ hipersonik raketi sınaqdan çıxarıb

ABŞ-ın hərbi-hava qüvvələri səsdən iti uçan ARRW raketini uğurla sınaqdan çıxarıb. Raketin atışı mayın 14-də cənubi Kaliforniya sahillərində həyata keçirilib. Xəbər verilir ki, raket “B-52H” strateji Stratofortress bombardmançısından atılıb. Raket təyyarədən ayrıldıqdan sonra səs sürətindən beş dəfə artıq sürət kəsb edib. Bu, belə bir silahın təyyarədən atışının ilk sınağı idi.

ABŞ hərbi-hava qüvvələri silahlarının proqramına rəhbərlik edən Hit Kollins sınağın nəticəsini “böyük nailiyyət” asdlandırıb.

Bu da məlıumdur ki, ABŞ ötən il iki dəfə bu tip raketlərin sınağını keçirsə də, nəticə uğurlu olmamışdı.

CNN xəbər verir ki, bu sınaqlar mart ayında keçirilsə də, ABŞ Rusiya ilə münasibətləri daha da gərginləşdirməmək üçün informasiyanı açıqlamayıb.

***

Aprel ayında Ukrayna ilə müharibə şəraitində Rusiya “Sarmat” tipli raketin uğurlu sınağı barədə məlumat vermişdi.

Rusiya prezidenti Vladimir Putin demişdi ki, bu raketin analoqu yoxdur və o bütün mövcud antiraket radarlarından keçə bilir.

Putin “Sarmat” qitələrarası ballistik raketi barədə ilk dəfə məlumatı 2018-ci ildə Federasiya Şurasındakı çıxışı zamanı vermişdi.

Sonradan məlum olmuşdu ki, Putinin çıxışı zamanı raket zərbəsinin 11 il bundan əvvəl çəkilmiş videosu göstərilib.

Videoda raket ABŞ-ın Florida ştatını vurmuşdu.

O vaxt ABŞ-ın kütləvi informasiya vasitələri xəbər verirdilər ki, “Sarmat” raketinin 2017-2018-ci illərdə keçirilmiş dörd sınağının hamısı uğursuzluqla nəticələnib.