Bir imza yetər ...
Senat Ukraynaya 40 milyard dollarlıq yardım paketini qəbul etdi
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
“Yenilməz batareya” məhv oldu
Ukrayna ordusu Krımdakı “S-400”lərin birini vurub
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
“Özünü müdafiə hüququ çərçivəsindədir”
NATO Ukraynanın Rusiya ərazisini bombalamağa yaşıl işıq yandırıb
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
“NATO həmişəkindən daha güclüdür”
“Ukrayna müharibəsi təhlükəsizliyin regional deyil, qlobal olduğunu göstərdi”
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
Ukraynada çağırış yaşı aşağı salındı
Zelenski uzun müddətdir yubatdığı qanunu imzaladı
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
“Kerç partlayacaq”
Ukrayna müharibədə bütün balanslar dəyişməyə qərarlıdır
-
“Rusiya gələcəyini Pekinə girov qoyub”
Yens Stoltenberq: “Ukraynanın yeganə dəstəkçisi ABŞ deyil”
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
ABŞ Senatı Ukraynaya 40 milyard dollarlıq hərbi və iqtisadi yardım paketini böyük səs çoxluğu ilə qəbul edib. Mayın 19-da keçirilən səsvermədə sözügedən sənəd 86 lehinə, 11 əleyhinə nisbəti ilə qəbul olunub. İndi prezident Co Bayden bu qanunun qüvvəyə minməsi üçün onu imzalamalıdır.
Senatdakı demokrat çoxluğun lideri Çak Şumer deyib: “Yardım, sözün əsl mənasında əhəmiyyətli yardım artıq yoldadır. Bu yardım ukraynalıları müzəffər etmək üçündür”.
Senatın respublikaçı lideri Miç Makkonnel də yardım paketini dəstəkləyib və deyib ki, Ukraynanın məğlubiyyəti Amerikanın Avropadakı müttəfiqlərini çətin duruma salar, həm də ABŞ-ın Avropadakı hərbi xərclərini artırardı.
Senator deyib ki, bu yardımın edilməməsi regionda Çin kimi torpaqlar qəsb etmək istəyən ölkələri ürəkləndirərdi.
Makkonnel bildirib ki, suverenliyə, sabitliyə və çəkindirməyə çəkilən xərclər ağrılıdır, lakin bu xərcləri artıq çox gec olmadan çəkmək lazımdır.
Konqresin Nümayəndələr Palatası Ukraynaya hərbi yardım paketini ötən həftə 368 lehinə, 57 əleyhinə nisbəti ilə qəbul edib.
Bayden bu qanunu imzaladıqdan sonra ABŞ-ın Ukraynaya müdaxilə başlanandan bəri Kiyevə verdiyi yardımların ümumi dəyəri 50 milyard dollara çatacaq.
Şumer mayın 18-də deyib ki, o Ukraynaya bu yardım paketinin sonuncu olacağından əmin deyil:
“Onlar döyüşürlər. Onlar həlak olurlar. Döyüşən və əzab çəkən onlardır. Bizim görəcəyimiz ən kiçik iş onlara ehtiyacları olan silahları verməkdir”.
***
Ukraynanın prezidenti Vladimir Zelenski ABŞ-dan verilən “əhəmiyyətli töhfə” üçün təşəkkürünü bildirib.
Prezident bu barədə yazdığı tvitdə qeyd edib ki, Senatın 40 milyard dollarlıq yardım paketini qəbul etməsi “Ukraynada, Avropada və dünyada sülh və təhlükəsizliyin bərpa olunmasına əhəmiyyətli töhfədir”.
Ukrayna prezidenti administrasiyasının rəhbəri Andrey Yermak deyib ki, bu yardım Rusiyanın Ukrayna tərəfindən məğlubiyyətə uğradılmasını şərtləndirəcək: “Biz qələbəyə doğru inamlı və strateji hərəkət edirik. Müttəfiqlərimizə minnətdarıq”.