ABŞ İŞİD üzərində növbəti qələbəsini elan edib
Mərkəzi Komandanlıq Mahir Əl-Aqalı terror mərkəzi ilə filialları arasında əlaqə quran şəxs adlandırıb
MÖVZU İLƏ ƏLAQƏLİ
-
“ABŞ-la vaxtaşırı görüşürük”
Əsəd: “Heç bir nəticə olmayacağını bilsək belə, cəhd edəcəyik”
-
Nyu-Yorkda siçovul böhranı
Leptospiroz xəstəliyinə yoluxanların sayında ciddi artım var
-
Nüvə müharibəsinə hazırlıq qızışır
ABŞ yeni döyüş başlığının istehsalına başlayır
-
Çinə qarşı kiber hücum ittihamı
Hakerlər ABŞ-ı susuz və enerjisiz qoymağa çalışıblar
-
95 milyard dollarlıq yardım
ABŞ Ukrayna, İsrail və Tayvana fantastik məbləğ ayırdı
-
Təyyarəsi yenə xarab oldu
NATO toplantısına maşınla getdi
-
Amerika seçicisi balans istəyir
Sorğuda respondentlərin əksəriyyəti “dünya siyasətinə daha az qarışılmasına” tərəfdardır
-
“Onlar insan deyil”
Tramp ölkədəki qeyri-qanuni mühacirləri hədəfə alıb
-
ABŞ terrordan qabaq işarə vermişdi
Putin qeyri-qanuni miqrasiyaya qarşı təhlükəsizlik tədbirlərinin artırılmasını əmr edib
-
“ABŞ seçkiyə kölgə saldı”
Nikolas Maduro: “Vaşinqtonda əsəblər gərgindir”
-
Vaşinqton və “boz ərazi”
Bayden administrasiyasının heç vaxt dəqiq strategiyası olmayıb
-
“Əlaqələr kəsilməməlidir”
ABŞ və Çin arasında kritik görüş – “Tayvan qırmızı xətdir”
-
5 milyard ödəyəcək
“Google” təzminat iddialarını qəbul edib
-
“Lego”dan ABŞ polisinə etiraz
Şübhəlilərin üzünün örtülməsinə görə ....
-
NATO-ya qadın başçı
Dünyanın ən güclü hərbi ittifaqına qatı antirusiyaçı, keçmiş SSRİ vətəndaşı rəhbərlik edəcək
-
“Havana sindromu” – sirr pərdəsi aralanır
Dünyanın səbirsizliklə gözlədiyi hesabat dərc olundu
Amerika Birləşmiş Ştatlar Suriyanın şimal-qərbində pilotsuz uçuş aparatlarının hücumu zamanı İraq-Şam İslam Dövləti (İŞİD) terror qruplaşmasının ilk beş liderindən birini izlədiyini, hədəf aldığını və öldürdüyünü bildirərək, İslam Dövləti üzərində növbəti qələbəsini bəyan edib.
ABŞ-ın Mərkəzi Komandanlığı (CENTCOM) İŞİD-in Suriyanın vilayət lideri Mahir Əl-Aqal kimi tanınan yüksək rütbəli məmurunu İslam Dövlətinin baş qərargahı ilə onun dünya üzrə filialları arasında əlaqə quran şəxs kimi təsvir edib.
“Əl-Aqal İŞİD şəbəkələrinin inkişafını aktiv şəkildə davam etdirdiyinə görə məsuliyyət daşıyırdı”, – deyə, CENTCOM-un açıqlamasında bildirilib.
Çərşənbə axşamı verdiyi bəyanatda ABŞ Prezidenti Co Bayden güclü mesaj göndərdiyinə görə əməliyyatı tərifləyib.
Bayden “(Əl-Aqalın) Suriyada öldürülməsi əsas terrorçunu meydandan çıxarır və İŞİD-in regionda öz əməliyyatlarını planlaşdırmaq, resurslarla təmin etmək və həyata keçirmək qabiliyyətini əhəmiyyətli dərəcədə aşağı salır”, – deyib.
ABŞ Suriyanın Hələb vilayətinin Cindayris qəsəbəsi yaxınlığında Əl-Aqalın yaxın adamlarından birinin də ağır yaralanmasına səbəb olan hücumla bağlı bəzi təfərrüatlarla paylaşıb.
“Zərbə ABŞ-ın regiona və İŞİD-in davamlı məğlubiyyəti işinə sadiqliyini bir daha təsdiqləyib. İŞİD liderlərinin məhvi terror təşkilatının qlobal hücumlar planlaşdırmaq və həyata keçirmək qabiliyyətini sarsıdacaq”, – deyə, Mərkəzi Komandanlığın sözçüsü, polkovnik Co Buççino bildirib.
Sözçü onu da əlavə edib ki, “İŞİD ABŞ və regiondakı tərəfdaşlar üçün təhlükə yaratmaqda davam edir”. Buççino ABŞ-ın bölgədə davamlı mövcudluğunu qoruduğunu və regional təhlükəsizliyə təhdidlərə qarşı mübarizəni davam etdirəcəyini deyib.
Britaniyada yerləşən Suriya İnsan Haqları Müşahidə Qrupunun bildirdiyinə görə, Əl-Aqal motosiklet sürərkən raketlə vurulub. Məlumatda eləcə də Əl-Aqalın 2020-ci ildən bəri Suriyanın şimal-qərbində Türkiyənin dəstəklədiyi iddia edilən suriyalı yaraqlı qrup Əhrar Əl-Şərqiyyənin himayəsi altında olduğu bildirilib. Suriya müşahidə qrupunun məlumatını müstəqil olaraq təsdiq olunmayıb.
CENTCOM bildirib ki, ilkin baxış zamanı əməliyyat heç bir mülki vətəndaşa zərər verməyib.