vaxtlı-vaxtında oxuyun! Cümə axşamı, 8 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Yüksəlməyə hər millətin
Öz yolları vardır
Millətlər uçar,
yüksələr öz doğma dilyilə»

Səttar Xan (1866 - 1914)
OLAY  
13:49 | 14 noyabr 2022 | Bazar ertəsi Məqaləyə 795 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Soylu ABŞ-ın başsağlığını qəbul etməyib

“Qatilin hadisə yerinə ilk gələnlərdən biri olması ...”

Yeganə HACIYEVA

MÖVZU İLƏ ƏLAQƏLİ

Türkiyənin daxili işlər naziri Süleyman Soylu dünənki partlayışı PKK/YPG terror təşkilatı həyata keçirdiyini və bombanı qoyan şəxsin saxlanıldığını bildirib.

Ardınca Süleyman Soylu ABŞ-ın terrorla bağlı verdiyi başsağlığı mesajını “qatilin hadisə yerinə ilk gələnlərdən biri olması” kimi də dəyərləndirib.

“Partlayış təlimatının Suriyanın Kobani şəhərindən gəldiyini, hadisəni törədənin Afrindən keçdiyi qənaətindəyik”, – deyə Soylu bildirib.

Soylunun bu fikirləri ABŞ-ın PKK-YPG yə verdiyi hərbi-siyasi dəstək , son illər bu təşkilatı terror təşkilatı deyil, “azadlıqsevər” bir  xalqın özünü müdafiə hərəkatı kimi legitimləşdirmə cəhdləri etməsinə əsaslanır.

Son illər ABŞ PKK ilə PYD/YPG arasında heç bir əlaqənin olmadığı təsəvvürü yaratmaq üçün davamlı cəhdlər edir.

Bu Vaşinqtonun terror təşkilatının Suriya qolunun hərəkətlərini qanuniləşdirmək və onu regional bir aktor kimi təqdim etmək səylərinin bir hissəsidir.

İki terror strukturu arasındakı əlaqənin mövcudluğu ( PYD/YPG  PKK-nın bir qoludur ) onlarla rəsmi hesabatda əksini tapmasına, Suriyada on ildir davam edən münaqişə zamanı YPG-nin saysız hesabsız hərbi cinayətlərinin sənədləşdirilməsinə baxmayaraq ABŞ bu cür cəhdlər edir.

Bu məqsədlə iki il öncə Hollivudda bu təşkilatın Suriyanın Kobani şəhərində guya İŞİD yaraqlılarına qarşı döyüşməsinə həsr olunan filmin çəkilişinə başlanılıb.

YPG/PKK terrorçularının “qəhrəmanlığı” mövzusuna həsr olunmuş film Gail Lemmonun müəllifi olduğu “Kobaninin qızları: üsyan, cəsarət və ədalət hekayəsi” kitabının əsasında çəkilir.

“Qadın Özünümüdafiə Birlikləri”nin “qəhrəmanlığına”  həsr olunan “Kobaninin qızları” kitabı əsasında serial çəkmək qərarı beynəlxalq ictimaiyyətdə PKK terrorçularının İŞİD ilə mübarizədə guya effektiv rol oynaması təəssüratı yaratmağa hesablanıb.

Filmin  ideya müəllifi və prodüseri kimi insan taleləri və dramatik filmlər haqqında filmlər çəkən “HiddenLight” prodüser şirkəti çıxış edir.

“HiddenLight” prodüser şirkətinin təsisçisi isə nə az nə çox ABŞ Dövlət Departamentinin keçmiş rəhbəri Hillari Klintondur.

Hillari Klinton və qızı Çelsi şirkəti 2020-ci ilin dekabrında məhz bu filmin çəkilişi üçün təsis ediblər.

Dünən İstanbulda törədilən terrorun sifarişçisi Kobanidə, icraçısı isə Kobaninin qızlarından biridir.