vaxtlı-vaxtında oxuyun! Çərşənbə, 8 fevral 2023
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
AMERİKA  
16:18 | 16 dekabr 2022 | Cümə Məqaləyə 1900 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Kennedi qətlinin müəmması

ABŞ administrasiyası minlərlə yeni sənəd dərc edib

XALİDƏ

MÖVZU İLƏ ƏLAQƏLİ

ABŞ-dakı Co Bayden administrasiyası 1963-cü ildə ABŞ-ın 35-ci prezidenti Con Kennedinin öldürülməsi ilə bağlı minlərlə məxfi sənədləri açıqlayıb. Milli Arxivlər və Qeydlər Administrasiyasının (NARA) saytında sui-qəsdlə bağlı 12 875 yeni sənədi ictimailəşdirilib.

Açıqlanan sənədlərin əksəriyyətinin redaktə prosesində silindiyi görünsə də, Bayden bəzi sənədləri “kəşfiyyat fəaliyyətlərinə zərər verə bilər” səbəbiylə məxfi saxladı.

Bayden, qalan sənədlərin 30 iyun 2023-cü ilə qədər dərc olunacağını açıqladı.

***

Bu gün açıqlanan sənədlərin əksəriyyəti ABŞ Mərkəzi Kəşfiyyat İdarəsinə (MKİ) aid sənədlərdir.

Açıqlanan yeni sənədlərlə Kennedinin qətli ilə bağlı sənədlərin 95 faizi ictimaiyyətlə paylaşılıb.

***

ABŞ prezidenti Con Kennedi 1963-cü il noyabrın 22-də seçki işləri üçün getdiyi Texasda sui-qəsd nəticəsində öldürüldü.

Ali Məhkəmənin sədri Erl Uorrenin apardığı araşdırmada sui-qəsdi həyata keçirən Li Harvi Osvaldın təkbaşına hərəkət etdiyi qənaətinə gəlinib. Lakin istintaqın natamam olduğu iddiası ilə tənqid edilib və sonradan Konqresdə yaradılmış komissiya bu sui-qəsdin bir neçə iştirakçısının ola biləcəyini bəyan edib.

NARA, 1992-ci il qanununun tələb etdiyi kimi, sui-qəsdlə bağlı çoxlu sayda məxfi olmayan sənədləri yayımlamışdı.

ABŞ-ın keçmiş prezidenti Donald Tramp isə 2017 və 2018-ci illərdə milli təhlükəsizlik baxımından bəzi sənədləri məxfi saxlayarkən minlərlə məxfi sənədi üzə çıxarıb. Bayden administrasiyası isə keçən il dekabrın 15-də minlərlə sənədi təqdim etdi.