vaxtlı-vaxtında oxuyun! Bazar ertəsi, 27 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
AMERİKA  
11:45 | 31 mart 2024 | Bazar Məqaləyə 299 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Bayden üzərindəki impiçment “buludu”

Demokratlar Konqres qarşısındakı açıq ifadə tələbini “Hail Mary” zərbəsi sayır

FATEH

MÖVZU İLƏ ƏLAQƏLİ

ABŞ Konqresinin Nümayəndələr Palatasında Nəzarət Komitəsinin sədri Ceyms Komer (James Comer) prezident Co Baydeni açıq ifadə verməyə dəvət edib. Konqres qarşısındakı dinləmələr Respublikaçılar partiyası nümayəndələrinin dövlət başçısına qarşı impiçment təhqiqatının başlanması ilə bağlı aparılan araşdırma çərçivəsində həyata keçirilir.

Bu dəvət prezidentin oğlu Hanter Baydenin (Hunter Biden) bağlı qapılar arxasında verdiyi ifadəsində respublikaçıların istədiklərini almamasından sonra edilib. Onlar hələ də ABŞ prezidentinin vitse-prezident olduğu müddətdə ailəsinin xarici biznes sövdələşmələrindən maddi fayda əldə etdiyinə dair sübut tapa bilməyiblər.

Amma çətin ki, ABŞ prezidenti Bayden konqresmen Komerin aprelin 16-da ifadə vermək dəvətini qəbul etsin.

Komer 7 səhifəlik məktubda “Mən sizi ictimai dinləmələrdə iştirak etməyə dəvət edirəm. Burada ailənizin gəlir mənbələri ilə əlaqənizi və bu gəlirləri əldə etmək üçün istifadə etdiyiniz vasitələrlə bağlı olduğunuzu and altında izah etmək imkanınız olacaq”.

“Bildiyiniz kimi, sələfləriniz Konqres komitələrində, o cümlədən 1974-cü ildə Prezident Fordun Nümayəndələr Palatasının Ədliyyə Komitəsinin Cinayət Ədliyyəsi Alt Komitəsində verdiyi ifadələr qarşısında çıxış ediblər”, – deyə məktubda bildirlir.

Senatın Tarix Bürosunun məlumatına görə, ABŞ prezidentləri ümumilikdə üç dəfə ifadə veriblər.

Komerin Baydenə dəvət məktubundan sonra martın 20-də Ağ Evin sözçüsü Yan Sams konqresmenə cavab verib:

“Komer bilir ki, 20-dən çox şahid ABŞ prezidentinin heç bir səhv etmədiyinə dair ifadə verib. Əldə etdiyi yüz minlərlə səhifəlik qeydlərin onun irəli sürdüyü yalan iddiaları təkzib etdiyini də başa düşür. Ölü bir impiçment sorğusunun sonundakı kədərli bir tamaşadır. Bu gün üçün kifayətdir, dostum”.

Nəzarət Komitəsi Demokratlar partiyası nümayəndələri baş verənləri “Bu sirkdir. Çadır qurmaq vaxtıdır”, – atmacası ilə cavablandırmışdı.

İmpiçment araşdırması Keçmiş prezident Donald Tramp tərəfindən təyin edilmiş və təhqiqat aparan xüsusi prokuror başladılıb. Buna səbəb ABŞ prezidenti və Hanter Baydenin Ukraynada yerləşən enerji şirkətindən 5 milyon dollar rüşvət alması iddialarıdır. İddiaların qaynağı isə yalan söyləməkdə ittiham olunan keçmiş FTB məlumatçısına qarşı qanuni ittiham irəli sürlərkən meydana çıxıb.

O ki qaldı oğul Baydenə, keçən ay verdiyi ifadədə atasının heç vaxt onun biznes əlaqələrinin bir hissəsi olmadığını bildirmişdi.

Hanter Baydenin vəkili Abbe Louel (Abbe Lowell) Komerə yazdığı cavab məktubunda, "Media üçün açıq şəkildə planlaşdırdığınız tədbir düzgün bir sınaq deyil. Bu oyun bitdikdən sonra, adətən son çarə olaraq, “Hail Mary”yə bənzər (Amerika futbolunda son çarə kimi müvəffəqiyyət ehtimalı az olan ötürmə) bir təşəbbüsdür”, – deyə yazıb.