![](img/left_arrow.jpg)
![](img/right_arrow.jpg)
FTB Trampın qulağına dəyən cismi təsdiqlədi
NASA-nın “Perseverance” kosmik gəmisi Marsda qədim həyatın mümkün əlamətlərini aşkar edib
“Güllə, yoxsa qəlpə” müzakirəsi Trampı qəzəbləndirdi
“İnəyin hökmranlğı”, “Afrikadan, Asiyadan gəlirlər” sözlərilə miqrant ailəsini nəzərdə tutub?
“The Base” “neo-nasist” kimi iki qitədə və beş ölkədə məşhur imiş
Minlərlə ton ət geri qaytarılır
Qaradərili və ispandilli seçiciləri öz tərəfinə çəkmək üçün ...
Şimali Koreyalı hakerlər dünya şirkətlərindən məxfi məlumatları oğurlamaqda ittiham olunurlar
“Sinaola”nın qurucuları narkobaron “El Mayo” və “El Çapo”nun oğlu tutuldu
ABŞ-da hər şey dəyişib və əsl demokratik rəqabət artıq seçkilərə təsir etmir
“İkinci müddətə layiq idim”
Kamala Harrisə qorunmadığı yerdən zərbə
Mərakeşdə 21 nəfər ölüb, ABŞ isə meşə yanğınlarının əhatəsində
Şimali Koreya raket texnologiyaları çatdırılmasında kömək edən 5 şirkət və 6 şəxs qara siyahıda
Telekanal sentyabrda prezidentliyə namizədlərin üz-üzə gəlməsi təşkil etməyə hazırdır
Harrisi dəstəkləməyən və Baydenə tələ quran Obama qəzəbindən “cin atına minib”
ABŞ prezidenti Co Bayden bir sıra məhsullara, o cümlədən Çindən gələn elektrik avtomobillərinə, günəş panellərinə və polad məhsullarına əlavə gömrük rüsumları tətbiq etmək qərarına gəlib.
Çini texnologiya transferi, əqli mülkiyyət hüquqları və sahibkarlıq ilə bağlı ədalətsiz kommersiya praktikasında iştirak etməkdə və qiymətləri süni şəkildə aşağı salınmış məhsullarla qlobal bazarları zəbt etməkdə günahlandıran rəsmi Vaşinqton Pekinə 100 faiz gömrük rüsumunun tətbiqi də daxil olmaqla bir sıra yeni tədbirləri açıqladı.
Qərar, Baydenin Ağ Ev yarışında rəqibi olan keçmiş prezident Donald Trampın Çin istehsalı olan elektrik avtomobillərinin ABŞ avtomobil sənayesini məhv edəcəyi ilə bağlı aylarla tənqid etməsindən sonra verilib. Ağ Evin yaydığı açıqlamada, bu gün açıqlanan planın Çindən 18 milyard dollarlıq idxalı əhatə edəcəyi bildirilib.
Bu il ABŞ Çindən gələn elektrik avtomobilləri üçün gömrük rüsumunu 25 faizdən 100 faizə, günəş panelləri üçün vergini 25 faizdən 50 faizə, bəzi alüminium və polad məhsullarına rüsumları isə 7,5 faizdən 25 faizə qaldıracaq. ABŞ həmçinin 2025-ci ilə qədər yarımkeçiricilərə vergini 25 faizdən 50-yə qaldıracaq. Çindən gətirilən elektrik avtomobillərinin akkumulyatorlarına, çiplərinə və tibbi məhsullara oxşar tariflərlə əlavə gömrük rüsumları tətbiq ediləcək.
Ağ Ev bu tədbirlərin ABŞ işçilərini və bizneslərini qorumaq üçün olduğunu bildirsə də, Çin böyük gömrük rüsumlarına qarşı öz maraqlarını qoruyacaqlarını bildirib. Nazirlikdən verilən açıqlamada, “Gömrük rüsumlarının artırılması prezident Co Baydenin “Çinin inkişafını məhdudlaşdırmaq və boğmaqdan çəkinmək” və “Çin ilə əlaqələri kəsməkdən və ayrılmaqdan çəkinmək” öhdəliklərinə ziddir. Bu addımın ikitərəfli əməkdaşlıq mühitinə ciddi təsirləri olacaq”.
Çin Xarici İşlər Nazirliyinin sözçüsü Vanq Venbin jurnalistlərə açıqlamasında “Çin Ümumdünya Ticarət Təşkilatının qaydalarını pozan gömrük rüsumlarının artırılmasının birtərəfli addımına qarşıdır və qanuni hüquqlarını qorumaq üçün bütün lazımi addımları atacaq”, – deyib.