ABŞ-ın keçmiş prezidenti Donald Tramp iki namizədin seçkidən əvvəl üz-üzə gəldiyi ənənəvi tele-debatdan əvvəl hazırkı prezident Co Baydeni narkotik testindən keçirməyə çağırıb.

“New York Post” qəzetinin yazdığına görə, Tramp bu tələbin səbəbinin Baydenin keçən mart ayındakı çıxışında “çərpələng kimi yüksəkdə” görünməsi olduğunu bildirib.

Minnesota ştatının Sent Paul şəhərində Respublikaçılar Partiyasının şam yeməyində çıxışı zamanı Tramp respublikaçılara “Mən sadəcə bu adam haqqında danışmaq istəyirəm, amma bildiyiniz kimi, yeri gəlmişkən, mən də narkotik testi tələb edəcəyəm: "Həqiqətən, mən bunu xahiş edəcəm. Sonuncu çıxışında olduğu kimi müzakirəyə gəlməsini istəmirəm... O, çərpələng kimi zirvədə idi”. Bununla belə, Tramp özünün analoji testdən keçib-keçməyəcəyini açıqlamayıb.

81 yaşlı Bayden, ABŞ-nin vəziyyətilə bağlı uzunmüddətli çıxışı zamanı yüksək səslə və bir qədər sürətli monoloqla danışıb. Konqresmen Qreq Mörfi çıxışından sonra deyib ki, Bayden “həmin gün nəsə yaşayıb”.

“Şərq əl-Avsat”ın əldə etdiyi məlumata görə, 77 yaşlı Tramp əvvəllər də Bayden üçün narkotik testi keçirilməsini istəyib. O, 2020-ci ildəki Demokratik ilkin seçki zamanı Baydenin debat performansının “qeyri-bərabər” olduğunu və 2024-ci il seçkilərində debatdan əvvəl narkotik testini qəti surətdə tələb edəcəyini söyləyib.