
Çörəyi tapdalamaq
Neftin 80 faizini verən Bakıya “Qəhrəman şəhər” adını qıymadılar
Neftin 80 faizini verən Bakıya “Qəhrəman şəhər” adını qıymadılar
Ukrayna parlamenti “iqtisadi ortaqlıq” müqaviləsini təsdiqlədi
Kansler prezidentə “Almaniyanın hüquqları ilə bağlı gülünc fikirlər yayma” deyəcək
ABŞ Müdafiə Nazirinin şifrələri oğurlanıb internetdə yayımlandı
Tramp Baydenin süni intellekt texnologiyasına qoyulan məhdudiyyətləri aradan qaldırmağı planlaşdırır
ABŞ prezidenti ticarət müqaviləsinin anonsunu verdi
Almaniya müdafiə büdcəsini əhəmiyyətli dərəcədə artırmağı planlaşdırır
“Qırmızı dənizdə gəmilərə hücum etməkdən əl çəkməyəcəyik”
... Yaxud faşizm üzərində qələbəni qeyd edən raşistlər
Trampın ikinci prezidentliyi sadəcə revanş deyil
ABŞ məhkəməsində dünyada bir ilk yaşanıb, yenilik hakimi kövrəldib
ABŞ kəşfiyyatına Qrenlandiya əmri verildi
Tramp ərəb müttəfiqlərinin xətrinə körfəzin adını dəyişdirəcək
Rusiyaya daxil olmaq istəyən əcnəbilər 72 saat əvvəl səfirliyə müraciət etməli olacaqlar
İqtisadiyyatı canlandırmaq üçün Pekindən addım
“Evdə qalın” xəbərdarlığı verildi, ölüm riski var
2008-2024-cü illər arası Rusiyanın, diktator Putinin aqressiv davranışlarının, güclənməsinin, sağa-sola saldırmasının günahkarı Tramp deyil. Bunu bir kənara yazmadan, məsələnin kökünü başa düşmədən, bu gün baş verənlərin məğzini anlamaq mümkün deyil.
Son 16 ilin 12-də dünyada Demokratik Partiyanın dövrü idi, sol-qlobalist-psevdo-liberal “ideologiyanın” dominant olduğu illər yaşadıq. Onlar tək ABŞ-da deyil, Avropada, Dünyanın bir çox ölkələrində də hakimi-mütləq idilər, hər yerdə öz Avroatlantik “elitasını” yaradıb hakimiyyətə düzmüşdülər. Hətta Rusiyada belə məhz onlar hakimiyyətdəydilər.
Tramp ilk dövründə tamamən “axsaq ördək” idi – komandası, ideologiyası, planı-proqramı yox idi, çünki, bəlkə özü belə seçkiləri udacağına inanmırdı.
2020-24-cü illərdə Tramp komanda yığdı, komandasının ideoloji tezisləri, təməli yarandı, indi onların inandığı missiya var – hətta, maraqlı rol bölgüsü də açıq görünür. Bu rol bölgüsü gələcəyə, yaxın 10-12 ilə hesablanıb, möhkəm təmələ otuzdurulub.
Tramp pul, gəlir, dollar, borc, taariflər haqqında danışır – bu dili və üslubu sadə, orta statistik amerikalı çox sevir və tez anlayır. O deyir ki, sizin vergilərinizi oğurlayırlar, səhv xərcləyirlər, ABŞ-ı hamı “qazlayır”, mən indi bunun qarşısını kəsəcəm. Bir daha – bu rol bölgüsüdür, Trampın dili dünya üçün qırıcı, incidici, hətta ikrah doğurandır, amma orta statistik amerikalı üçün çim yağdır. Vitse-prezident Ceyms Vens isə dəyərlər, prinsiplər, ideoloji təməllər haqqında danışır – çünki, ideoloji təməl, hekayə quruculuğu olmadan missiyanı həyata keçirmək olmur (Münhen konfransındakı, dünən ABŞ-da bir tədbirdəki çıxışı proqram xarakterli idi). Vens Avropa və dünya ilə inandığı dəyərləri təbliğ edir, çox açıq danışır, bu isə o deməkdir ki, Respublikaçılar artıq 2028-ci ildə namizədlərinin kim olacağını müəyyən ediblər.
Tramp və komandası anlayır ki, tək Vaşinqton “dərin dövlətini” məhv etməklə iş bitmir, paralel olaraq Kanada (Trüdonu ona görə trollayır) və Avropada da “pvesdo-liberal solçuluğu” ciddi zəiflətmək lazımdır. Qlobalist sistemin bütün ayaqlarına hücum məhz bundan qaynaqlanır. Əgər bacarsalar, əgər son 15-20 ildə qurulan “psevdo-liberal” sistemi çökdürə bilsələr, dünya yaxın 10-12 ildə “sağa” dönəcək, “sağalacaq”. Amma, 10-12 ildə “sağ” da çaşacaq, təhlükəli hala gələcək, sonra yenidən “siyasi kəfkir” işə düşüb “sola”, amma əsl ideoloji sola doğru hərəkət başlayacaq.
Baxın, məsələlər “Marian” çökəkliyindən də dərindir, bunu, “Tramp pulgirdir, ABŞ Ukraynanı satdı” və s., kimi primitiv yanaşmalarla anlamaq mümkün deyil. Rusiyanı, Putini qudurdanlar Trampın komandası deyil, amma onları tərifləyə-tərifləyə masaya çəkib qalib gələ biləcək komanda isə, məhz Trampın komandasıdır.
Anlayın, 3 ildir Ukrayna müharibə aparır, özü də, hərbi yolla qalib gəlməsi mümkün olmayan müharibə aparır, qəhrəmanlıq göstərir, amma bu 3 ildə Bayden və komandasının Ukraynanın başına açdığı oyunları görmədən, anlamadan, cəmi 30 gündür prezident olan Trampı bütün problemlərdə günahlandırmaq, məntiqli gəlmir axı. Əgər Rusiyanı hərbi yolla məğlub etmək mümkün deyilsə, deməli başqa yollar axtarmaq lazımdır. İndi həmin yollar axtarılır, bunun üçün Putinin “eqosunu sığallayan” açıqlamalar verilirsə, deməli damarını tutublar, oyuna çəkirlər. Görək...