Fövqəladə hallar naziri, general-polkovnik Kəmaləddin Heydərov UNİCEF-in Azərbaycan nümayəndəliyinin rəhbəri Mark Herevardla görüşüb.

Vaxt.az Fövqəladə Hallar Nazirliyinin (FHN) rəsmi saytına istinadən xəbər verir ki, K. Heydərov UNİCEF-in Azərbaycan nümayəndəliyinin rəhbəri kimi ölkəmizdə missiyası başa çatan M.Herevarda gələcək fəaliyyətində uğurlar arzulayıb, bu təşkilatla Fövqəladə Hallar Nazirliyi arasında həyata keçirilən birgə layihələrdən bəhs edib.

K.Heydərov bildirib ki, iki gün əvvəl «Təhsil sahəsində tərəfdaşlar» adlı layihə çərçivəsində FHN, Təhsil Nazirliyi və UNİCEF arasında Fəaliyyət Planının imzalanması da bu əməkdaşlığın geniş perspektivlərinin mövcudluğunu göstərib.

M.Herevard isə UNİCEF-in Azərbaycan nümayəndəliyi ilə FHN arasında əməkdaşlığın yüksək səviyyəsindən məmnunluğunu ifadə edib, ölkəmizdən xoş təəssüratla ayrıldığını vurğulayıb.