
“Güclü mandat istəyirəm”
Kanadanın Baş naziri Karni erkən seçkilərin keçirilməsinə çağırır
Kanadanın Baş naziri Karni erkən seçkilərin keçirilməsinə çağırır
İran ABŞ-la danışıqları bərpa etmək istəmir
Tramp vəzifəyə gəldiyi gün istefa vermişdi
ABŞ Yaxın Şərqdə hərbi varlığını artırmaq istəyir
ABŞ hüquqi statusu ləğv edib və ölkəni tərk etmək üçün vaxt verir
“F-47” dünyanın ən qabaqcıl döyüş təyyarəsi ola bilər
Siyasi sistemlərdə “güclü lider”in aktuallaşması böyük müharibənin daha bir xəbərçisi sayıla bilər
Donald Trampın Təhsil nazirliyini niyə ləğv etdi?
Kolumbiya Universiteti Trampın şərtlərini qəbul edib
Prezident Tramp “F-35”lərin Türkiyəyə satılmasına müsbət baxır
Tramp: “Bizsiz NATO-nun əhəmiyyəti yoxdur”
Vaşinqton və Tehran arasında nəbz və təhdid testi
ABŞ prezidenti Donald Trampdan 6-cı nəsil təyyarə elanı
USAID-in ərköyün “uşaqları” ziyan vurduqları neft kəmərinə görə cavab verəcək
Konor Makqreqor İrlandiya prezidentliyinə namizədliyini irəli sürəcək
NROL-57-nin funksiyası məxfidir
ABŞ-ın Ədliyyə Nazirliyi ötən gün bəyan edib ki, xüsusi prokuror Robert Müller Rusiyanın 2016-cı il ABŞ seçkisinə müdaxiləsinə, habelə ABŞ prezidenti Donald Trampın mümkün qanun pozuntularına dair hesabatı baş prokuror Uilyam Barra təqdim edib.
Baş prokurorun bu barədə məktubu martın 22-də Ədliyyə Nazirliyi tərəfindən açıqlanıb. ABŞ Senatı və Nümayəndələr Palatasında bir neçə yüksək vəzifəli millət vəkillərinə ünvanlanmış bu məktubda Barr bildirir ki, o hesabatın başlıca nəticələri barədə məlumatı elə “bu həftəsonu” Konqresə təqdim edəcək.
Bundan sonra sözü gedən hesabatın hansı hissələrinin ictimaiyyətə açıqlanacağı barədə qərarı Barr, Ədliyyə Nazirliyi, Konqres və Ağ Ev qəbul etməlidir.
Qanun baş prokuror Barra hesabatın nə qədər hissəsinin açıqlanmasını müəyyən etməkdə geniş səlahiyyət verir. Məhz buna görə də Konqresdə bir çoxları narahatdırlar ki, Trampın Ağ Evi bu sənədin ən kəskin hissələrinin məxfi saxlanmasına çalışa bilər.
Demokrat konqresmen Erik Svalvell CNN telekanalına deyib: “Biz bütün hesabatı və dərhal istəyirik. Biz bu hesabatı prezident ona heç bir redaktə etmədən istəyirik”.
Nümayəndələr Palatası bu ayın əvvəlində Müllerin hesabatının ictimaiyyətə açıqlanmasını tələb edən qətnaməni yekdilliklə qəbul edib. Martın 22-də Nümayəndələr Palatasının spikeri Nensi Pelosi və Senat demokratlarının lideri Çak Şumer deyiblər ki, hesabatın tam mətninin ictimaiyyətə açıqlanması “mütləqdir” və Ağ Ev nəyin açıqlanıb, nəyin açıqlanmamasını müəyyənləşdirməməlidir.
Bu iki millət vəkilinin birgə bəyanatında deyilir ki, “Amerika xalqı həqiqəti bilmək haqqına sahibdir”. Ağ Evin mətbuat katibi Sarah Sanders deyib ki, hələlik hesabat barədə brifinq olmayıb.
“Növbəti addımları baş prokuror Barr atmalıdır və biz bu prosesin qaydasınca irəliləməsini gözləyirik”.
Müller 2017-ci ildən bəri həm Rusiyanın 2016-cı il ABŞ seçkisinə müdaxiləsini, həm də prezident Donald Trampın adamlarının Rusiya rəsmiləri ilə əlaqələrini araşdırırdı. Müller habelə Trampın bu təhqiqata qanunsuz olaraq maneçilik törədib-törətmədiyini aşkara çıxarmalı idi.
O bu məqsədlə Trampın FTB direktoru Ceyms Komidən özünün ilk milli təhlükəsizlik müşaviri Maykl Flinnin Rusiya ilə əlaqələrinin araşdırılmasının dayandırılmasını istəməsini, habelə bunun ardınca Kominin hansı səbəbə vəzifəsindən uzaqlaşdırmasını təhqiq edirdi.
Öz təhqiqatının gedişində xüsusi prokuror 30-dan artıq şəxsə qarşı müxtəlif ittihamlar irəli sürüb. Bunların arasında Trampın keçmiş kampaniya rəhbəri Pol Manafort və onun qeyri-rəsmi müşaviri Rocer Ston da var. Lakin bu günədək bu ittihamlardan heç biri Tramp rəsmiləri ilə Rusiya rəsmiləri arasında sövdələşmənin olub-olmadığına dair sualla bağlı olmayıb.
Müller habelə Demokrat Partiyası rəsmilərinin kompüterlərinə haker hücumları ilə bağlı Rusiya kəşfiyyatının vəzifəli rəsmilərinə, Rusiyanın “troll fabriki” kimi tanınan şirkətinə qarşı da ittihamlar irəli sürüb.
Tramp Müller-in apardığı təhqiqatı dəfələrlə “əcinnə ovu” adlandırıb və özünün seçki kampaniyası ilə Rusiya arasında hər hansı sövdələşmənin mövcudluğunu inkar edib.
Rusiya da ABŞ kəşfiyyat agentliklərinin Moskvanın ABŞ seçkisinə Trampın xeyrinə müdaxilə etdiyinə dair qiymətləndirməsini rədd edir.