ABŞ gələn il Ermənistana veriləcək yardımı iki dəfə azaldacaq. Bunu gələn ilin büdcə layihəsindəki xarici xərclər təsdiqləyir. Onlara əsasən, Ermənistana 24 milyon dollar ayrılmalıdır. Ötən ilki büdcədə bu rəqəm təxminən 45 milyon olub.

Bu il həmçinin Qarabağa yardım ayrılmayıb. Ötən il bu məqsədlərə 2 milyon dolların ayrıldığı xəbər verilirdi. 

ABŞ-ın yardımının azalması erməni diasporunun üzvləri tərəfindən narazılıqla qarşılanıb, bu barədə Erməni Milli Komitəsinin (ANCA) nümayəndəsi bildirib.  

“Amerika Erməni Milli Komitəsi (ANCA) məyusdur ki, Co Bayden (Joe Biden) administrasiyasının 2023-cü il üçün büdcə layihəsi Ermənistana yenidən 24 milyon dollar yardım təklif edir, bununla yanaşı Dağlıq Qarabağı heç dəstək verilmir. Bu yanlış siqnaldır”, - martın 29-da Elizabet Çuldjiyan (Elizabeth Chouldjian) mediaya bildirib. 

ABŞ növbəti ildə Azərbaycana 9,7 milyon dollar ayırmağı planlaşdırır. Bu, rəqəm bir neçə ildir ki, təxminən eyni səviyyədə qalır.