
İlk dəfə deyil
“Binokl diplomatiyası” qalmaqalının davamı
“Binokl diplomatiyası” qalmaqalının davamı
Səhmlər Ermənistanda yerləşən “Balchug Capital” şirkətinə veriləcək
... Yaxud Fransa kartını neytrallaşdıran qiymətli manera
Heydelberq qeydləri – 1
Qeydiyyatdan keçməyənləri 5 ilə qədər həbs gözləyir
Son illərin ən böyük çağırışı
Anti-miqrant siyasəti daxili problemləri ört-basdır etmək üçün günah keçisi axtarışıdır
Müharibəyə hazırlıq xəbərlərinin arxasındakı məkrli dəst-xətt
Hitlerin hakimiyyətə gəlməsində Stalinin rolu olub
... iki ölkəni birləşdirəcək
Trampın Putinə son hədəsi
“Səhv aşkar edildikdən sonra paylaşım dərhal silinib”
160 min nəfərin orduya cəlb edilməsi gözlənilir
Tramp bu dəfə Putini və İranı hədələyib
Rusiyanı sarsıdan hadisə; Zelenski tezliklə öləcəyini demişdi
Kreml müharibəni bitirmək üçün danışıqlarda maraqlı deyil
Rusiyanın qaz nəhəngi “Gazprom” Almaniya və İtaliyaya verilən qazın həcmini azaldandan sonra şirkətin rəhbəri deyib ki, “Moskva öz qaydaları ilə oynayır”.
Aleksey Miller iyunun 16-da Peterburqda keçirilən beynəlxalq forumda müzakirə zamanı deyib: "Mal bizim, qaydalar bizim. Biz özümüzün yaratmadığımız qaydalarla oynamırıq”.
Bundan bir gün əvvəl “Gazprom” Almaniyaya verilən qazın həcmini yarıbayarı azaldıb. “Gazprom” bildirir ki, buna səbəb Almaniyanın “Siemens” şirkətinin “Şimal Axını 1” boru kəmərindəki kompressorun təmirini yubatmasıdır.
Berlin bu hərəkətin siyasi olduğunu deyib və bildirib ki, Moskvanın məqsədi qeyri-müəyyənlik yaradaraq qiymətləri qaldırmaqdır. Miller “Gazprom”un Avropaya qazın nəqlini azaltdığını təsdiqləyib. Rusiyadan Almaniyaya Şimal Axını 1 boru kəməri ilə verilən qazın həcmi iyunun 16-da daha da azaldılıb.
Beləliklə verilən qazın həcmi 40 faizə düşüb.
***
İtaliyanın enerji nəhəngi Eni də bildirib ki, “Gazprom” ona sifariş edilən qazın yalnız 65 faizini verəcək.
İtaliyanın ekoloji keçid naziri Roberto Sinqolani deyib ki, Rusiyanın qazın həcmlərini azaltmasının arxasında Moskvanın “siyasi təzyiq və ya qisas motivləri” ola bilər.
Şərhçilər diqqəti belə bir məqama çəkirlıər ki, “Gazprom”un qazın həcmlərini azaltması Fransa, Almaniya, İtaliya və Rumıniya liderlərinin iyunun 16-da Kiyevə səfəri ilə eyni vaxta təsadüf edib.
Liderlər prezident Vladimir Zelenski ilə görüşdən sonra deyiblər ki, Ukraynaya Avropa İttifaqı üzvlüyünə namizədliyin “dərhal” verilməsini istəyirlər.
Kremlin sözçüsü Dmitri Peskov bildirib ki, qaz həcmlərinin azaldılması cari təmir işləri ilə bağlıdır.
Rusiya Ukraynaya hücum edəndən sonra Polşa, Bolqarıstan, Danimarka və Niderlanda qazın nəqlini dayandırıb. Moskva nəql etdiyi qaz üçün ödənişləri rublla tələb edəndən sonra Avropada bir neçə müştərilərini itirib. Avropa İttifaqı ölkələri Rusiyadan qaz alışını azaldıb, lakin bir neçə Aİ ölkəsinin Rusiya qazından son dərəcə asılılığına görə ondan tam imtina edə bilmir.