Bu gün ABŞ-ın gündəmini bomba kimi vuran digər bir hadisə isə Trampın sızdırılmış telefon danışığı olub. Respublikaçılar partiyasının namizədi özünü demokrat kimi qələmə verən və keçən il prezidentlik yarışını müstəqil namizəd kimi davam etdirəcəyini bəyan edən kiçik Robert Kennedidir (sui-qəsd nəticəsində öldürülən keçmiş ABŞ prezidenti Con Kennedinin nəvəsi). Namizədlərin telefon danışığı internetə sızıb. Sosial mediada yayımlanan klipdə Trampın görüş zamanı sui-qəsd cəhdini təsvir etməsi və peyvəndləri tənqid etməsi eşidilir.

Kennedi söhbət sızandan sonra verdiyi açıqlamada, “Tramp zəng edəndə çəkilişdəydim. Operatordan çəkilişi dərhal dayandırmağı xahiş etməliydim. Bunun paylaşıldığı üçün utanıram. Trampdan üzr istədim”, – deyib.

Sızdırılan telefon danışığında Kruksun “AR-15” avtomatına toxunan Tramp rəqibindən “bu olduqca böyük silahdır, elə deyilmi?” deyə soruşub. Sonra o, uğursuz sui-qəsd zamanı qulağına dəyən gülləni ağcaqanadla müqayisə edir: “Özümü div kimi hiss edirdim. Güllə isə sanki dünyanın ən böyük ağcaqanadı idi”.

Tramp həmçinin peyvənd əleyhdarı kimi ilə tanınan kiçik Kennediyə körpələrə böyük peyvənd kokteylləri verildiyini və bunun köklü dəyişikliklərə səbəb olduğunu söyləyərək, “mən səninlə razıyam, dostum. Bütün bu sistemdə nəsə bir səhv var”, – deyir.

Kennedinin təsdiqinə göz qırpan Tramp, “düşünürəm ki, bu, sizin üçün əla olar. Biz qalib gələcəyik, adamdan xeyli irəlidəyik”, – deyib.

Kennedinin prezidentlik yarışında səs payı doqquz faiz civarındadır və hər hansı namizədi dəstəkləməklə seçkiyə əhəmiyyətli təsir göstərə bilər.