“Tesla” və “SpaceX” şirkətlərinin sahibi İlon Maskın Kamala Harrisin seçki kampaniyası reklamının öz səsi ilə montaj olunan versiyasını sosial media hesabında paylaşıb. Maskın bu paylaşımı onun platforma qaydalarını pozması ilə bağlı müzakirələrə səbəb olub.

***

ABŞ prezidenti Co Bayden seçki yarışından geri çəkildikdən sonra Kamala Harris demokratların ehtimal namizədi olacaq. Bayden namizədliyini geri götürdükdən sonra Harris seçki kampaniyasına başlayıb.

İlon Mask bir müddət əvvəl ABŞ-ın keçmiş prezidenti və Respublikaçılar Partiyasından yenidən namizəd Donald Trampı dəstəklədiyini açıqlamışdı. Bu açıqlamadan sonra Mask Harrisin qeyri-real seçki reklamını “Bu əladır” sözləri ilə paylaşıb.

Maskın paylaşdığı videoda Harris bu sözləri işlədir: “Mən, Kamala Harris, sizin Demokratik prezidentliyə namizədinizəm, çünki Co Bayden nəhayət ağlını itirdiyini üzə çıxardı”. Orijinal videoda isə Kamala Harris deyir: “Bu seçkidə hamımız bir sualla qarşılaşırıq: Biz hansı ölkədə yaşamaq istəyirik?” və sonra Beyonsun “Freedom” mahnısı çalınmağa başlayır.

Maskın paylaşdığı “parodiya” videosunda Harris onu tənqid edənlərin “həm cinsiyyətçi, həm də irqçi” olduğunu söyləyir.

***

Harrisin seçki kampaniyasının sözçüsü Mia Ehrenberq, Mask və keçmiş prezident Donald Trampa verdiyi açıqlamada, “Biz inanırıq ki, Amerika xalqı vitse-prezident Harrisin təqdim etdiyi real azadlığı, fürsəti və təhlükəsizliyi istəyir. Nəinki İlon Maskın və Donald Trampın təklif etdiyi manipulyasiya edilmiş yalanlara”, deyib.

Maska reaksiya verənlərdən biri də Kaliforniya qubernatoru Qeyvin Nyusom olub. Nyusom sosial mediada “Bu cür “reklamda” audio ilə manipulyasiya etmək qeyri-qanuni olmalıdır. Mən bir neçə həftədən sonra buna əmin olmaq üçün qanun layihəsini imzalayacağam”, – deyib.

Nyusoma cavab verən Mask, “Mən tanınmış dünya nüfuzlu professor Saqon Diznatz ilə görüşdüm və o, Amerikada parodiyanın qanuni olduğunu söylədi”, – deyib.