
ABŞ bəzi sanksiyaları ləğv etməyə hazırlaşır
“Limanlara və ödəniş sistemlərinə çıxışı yaxşılaşdırmağa kömək edəcək”
“Limanlara və ödəniş sistemlərinə çıxışı yaxşılaşdırmağa kömək edəcək”
Danışıqlarda razılıq əldə edilib
RMB-nin neft qiymətləri ilə bağlı hesabatı
... Yaxud niyə siyasi mövzudakı şərhlərimiz bir az gülməli olur?
Rusiyada düşüncələri dəyişən Türk hərbi əsirlər
Rusiyanın “kölgə donanmasına” aid gəmi Almaniyada saxlanılıb
Altı bəndlik yol xəritəsi Avropa Hərbi Sənaye Kompleksini “non-stop” rejimində çalışdıracaq
Lavrovun siyahısındakı “xidmətlər” hansılardır?
Ukrayna əsgərləri Rusiyadan “xaotik” geri çəkilməsini təsvir edib
“Atom elektrik stansiyaları Ukrayna xalqına məxsusdur”
Böyük Britaniyanın baş naziri Starmer Putini hədələyib
Neft anbarında başlayan alov 10 min kvadratmetr sahəyə yayılıb
Ən böyük neft şirkətinin qazancı 14,4 faiz azalıb
“Ukraynada sülhməramlıların yerləşdirilməsi NATO ilə Rusiya arasında birbaşa münaqişə riski yaradar”
Zelenski: “İki ölkə arasında etimad yarada bilər”
SSRİ vaxtı Oleq Qordiyevski haqqında çıxarılan ölüm hökmü hələ də qüvvədədir
İnsanların nahaq axıdılan qanları bahasına yaranan bir dövlət – imperiya yoxdur artıq. XX əsrin iki zərərli ideologiyasından birinin – bolşevizmin (kommunizmin, digəri, təbii ki, faşizmdir) əsaslarına söykənən Sovetlər Birliyi artıq tarixə qovuşdu.
1922-ci ilin dekabrın 30-da yaranan bu dövlətin ərazisi 22 milyon kv.km, əhalisinin sayı 300 milyona yaxın idi. Oraq və çəkicli qırmızı bayraq bu dövlətin rəsmi bayrağı sayılırdı.
Ümumi statistikaya görə, bolşeviklərin Rusiyada hakimiyyətə gəlişindən – 1917-ci ildən Stalinin ölümünə qədərki dövrədək (1953-cü il, mart) 62 milyon insan bu ideologiyanın qurbanı olub.
SSRİ könüllülük təməlinəmi dayanırdı?
Əslində işğalçı mahiyyət daşıyan, xalqların azadlığını əlindən alan SSRİ imperiya quruluşuna malik idi. Sadə adamlar bütün göstərişləri yuxarıdan – Moskvadan verilən bu imperiyanın qurbanlarına çevrilirdi. Bu nəhəng imperiya ruslaşma siyasətini daha incə yollarla gerçəkləşdirən, qırmızı qiyafəli, yeni görünüşlü çar Rusiyasına bənzəyirdi. M.Ə. Rəsulzadə nahaqdan yazmırdı ki: «Nikolay Rusiyası ilə Lenin Rusiyası arasında heç bir fərq yoxdur. O zamankı zəncirlərin rəngi ağ, indiki zəncirlərin rəngi isə qırmızıdır».
Əvvəl altı, sonra on beş «qardaş»
1922-ci ilin dekabrında SSRİ yaradılarkən tərkibində 6 respublika vardı: Rusiya, Ukrayna, Belorusiya və Zaqafqaziya Federasiyası (Azərbaycan, Gürcüstan, Ermənistan). İmperiya dağılanda –1990-cı ilin dekabrında 15 respublikalı bir dövlət tarix səhnəsindən silindi. 6 və 15 rəqəmlərinin müqayisəsi keçmiş Sovetlər Birliyinin – Sovet İttifaqının işğalçı mahiyyətini üzə çıxarır.
Bolşeviklərin işğal etdiyi 3-cü ölkə Azərbaycan olub
1920-ci ildə rus bolşevik ordusu Azərbaycan Xalq Cümhuriyyətini devirib, süngü və qətliamlar hesabına burada hökmranlıqlarını qurdu. Statistikaya diqqət edək: yalnız 1920-ci il aprelin 27-dən (işğal günündən) 1921-ci ilin avqustunadək Azərbaycanda 47 min adam qətlə yetirilib. Azərbaycandan sonra Ermənistan və Gürcüstan işğal edildi.
1940-cı ildə 11 «qardaş»ın sırasına daha dördü qatıldı – Estoniya, Latviya, Litva, Moldova.
«Bolşevik» niyə «kommunist»ə çevrildi?
1952-ci ilin oktyabrında Kommunist Partiyasının qurultayında Stalin çıxış etdi və partiyanın adından «bolşevik» sözünün çıxarılıb belə adlanmasını təklif etdi: Sovet İttifaqı Kommunist Partiyası (o zamanadək Ümumittifaq Kommunist Bolşeviklər Partiyası adlanırdı). Stalin belə izah edirdi ki, artıq kommunizm ideologiyası bir ölkənin çərçivəsindən çıxıb bütün dünyaya yayılıb. Əslində o, İkinci Dünya müharibəsindən sonra Şərqi Avropa ölkələrində (Polşa, Macarıstan, Bolqarıstan və s.) sosialist rejimlərinin qurulmasını əsas götürürdü. Bir qədər sonra bu ölkələrdə baş verən xalq üsyanları Sovetlər Birliyinin imperiya siyasətinə «sədaqət» dərəcəsini göstərirdi.
«İttifaq dağılan deyil»?
1944-cü ildə bəstəkarı Aleksandrov olan SSRİ-nin himni bu sözlərlə başlayırdı:
İttifaq dağılmazdır, respublikalar azaddır!
1991-ci il dekabrın 26-da SSRİ-nin himnindəki sözlər tarixə qovuşdu. Sanki möhtəşəm və əbədi görünən qırmızı imperiya da. «Niyə dağıldı?» sualının tam və dolğun cavabını bu keçmiş imperiyanın sakinləri verə bilər.
Beləcə, sual verirəm: Səncə, əziz oxucu, SSRİ nədən çökdü?