Cənubi Koreya və ABŞ-ın “Ulchi Freedom Shield (UFS)” təlimi çərçivəsində real sursatlardan istifadə etməklə 3 günlük hava təliminə başladığı bildirilib.

Yonhapın xəbərinə görə, Hərbi Hava Qüvvələrinin açıqlamasına əsaslanaraq, birgə hava təlimində “F-35A” və “F-15K” da daxil olmaqla 60-a yaxın hərbi təyyarə iştirak edir.

“Şimali Koreyanın eyni vaxtda quru və hava təxribatlarına cavab prosedurlarını araşdırmaq üçün” təşkil edilən təlim çərçivəsində hərbi təyyarələrin atdığı raketlərlə havadakı hədəfləri zərərsizləşdirməsi planlaşdırılır.

Cənubi Koreya və ABŞ “Şimali Koreyanın artan hərbi təhdidlərinə” qarşı birgə müdafiə hazırlıqlarını gücləndirmək üçün avqustun 19-da “Ulchi Freedom Shield” (“Azadlıq Qalxanı”) təliminə başlayıb.

İki ölkə arasında 11 günlük təlim avqustun 29-da başa çatacaq.

Cənubi Koreya Baş Qərargahının (JCS) verdiyi açıqlamada, təlimin Pxenyanın nüvə silahlarına qarşı müdafiə bacarıqlarını gücləndirmək məqsədi daşıdığı qeyd edilib.

***

Şimali Koreya Mərkəzi Xəbər Agentliyinin (KCNA) verdiyi məlumata görə, Şimali Koreya Xarici İşlər Nazirliyinə bağlı Amerika Araşdırmaları İnstitutundan verilən açıqlamada, iki ölkənin birgə təlimi “ən təcavüzkar və təxribatçı müharibə manevri” olaraq xarakterizə edilib.

Bəyanatda ABŞ və müttəfiqlərinin hər il 200-dən çox ortaq hərbi təlim təşkil etdiyinə diqqət çəkilərək, bunların getdikcə daha çox təhdid edici hala gəldiyi iddia edilib.