
ABŞ quru əməliyyatına hazırlaşır?
“Regionda qlobal təhlükəsizlik yaradacaq”
“Regionda qlobal təhlükəsizlik yaradacaq”
Tarif faizləri qarşılıqlı imtinalara səbəb olur
Mühacir tətbiqləri, təhsil, səhiyyə və sosial təminat siyasətləri tənqid olunur
“ABŞ-ın çağırışına qulaq asan ölkələrə cavab verəcəyik”
... ABŞ indi necə idarə olunur?
ABŞ-ın avtomobil nəhəngi Çinə avtomobil tədarükünü dayandırıb
Tramp rüsum müharibəsini məzənnə müharibəsiylə davam etdirməsi gözlənilir
ABŞ prezidenti doğru müəyyən etdiyi “xəstəliyi” tələsərək yanlış “müalicə edir”
Vaşinqton işə yaramayan vasitəçiliklə məşğul olmaq istəmir
ABŞ və Rusiya arasında müharibənin əsasları qoyulur
“Ekstremistləri məhv etmək, fələstinli qrupları qovmaq”
LNG bazarı yenidən formalaşacaq
ABŞ ordusu vurdu
ABŞ administrasiyası Çin gəmilərindən rüsum tələb etməyə hazırlaşır
MAQATE direktoru Rafael Qrossi Tehrana gedib
Xameneyi isə Səudiyyə-ABŞ münasibətlərində anlaşmazlığı alovlandırmaq istəyir
Amerika ordusu avqustun 29-da İraqın təhlükəsizlik qurumları ilə ölkənin qərbində keçirdiyi əməliyyatda nəyə nail olduğunu nəhayət açıqlayıb.
ABŞ Mərkəzi Komandanlığı (CENTCOM) yeni açıqlama ilə İŞİD liderlərindən 4-nün əməliyyatda öldürüldüyünü, onların adlarını və vəzifələrini belə açıqlayıb: İŞİD-in İraqdakı bütün əməliyyatlarından məsul Əhməd Həmid Hüseyn Əbdülcelil əl-İthavi, ölkənin qərbindəki bütün əməliyyatlara cavabdeh olan Əbu Hammam və texniki təchizata cavabdeh Əbu Əli əl-Tunisi və İraqın qərbindəki hərbi əməliyyatlardan məsul olan Şakir Əbud Əhməd əl-İssavi.
CENTCOM komandanı general Maykl Erik Kurilla mətbuata açıqlamasında təşkilatın imkanlarının azaldığını vurğulayıb: “ABŞ müttəfiqlərimizə və tərəfdaşlarımıza, regional sabitliyə təhlükə yaratmaqda davam edən İŞİD-lə mübarizə fəaliyyətinə sadiqdir”.
ABŞ Mərkəzi Komandanlığı daha əvvəl çoxlu silah, bomba və kamikadze kəməri olan 15 İŞİD yaraqlısının öldürüldüyünü açıqlamışdı. Son açıqlamada isə sayı 14-ə endirilib.
Həmçinin, basqın zamanı 7 ABŞ əsgərinin yaralandığı və mülki vətəndaşlardan zərərçəkən olmadığı bildirilib.
Digər tərəfdən, Bağdad və Vaşinqton ABŞ-ın rəhbərlik etdiyi hərbi koalisiyanın ölkədən çıxarılması qərarını təxirə salmaq üçün danışıqları davam etdirir.
İraq xarici qoşunların ölkədən tamamilə çıxarılmasını istədiyini bildirsə də, bunun nə vaxt baş verəcəyini açıqlamır.
2021-ci ilin dekabrından bəri ABŞ Yaxın Şərq ölkəsində “məsləhət və yardım” rolunda təxminən 2500 hərbçi yerləşdirib. Suriyada İŞİD-ə qarşı beynəlxalq koalisiyanın çətiri altında 900 amerikalı əsgər xidmət edir.
CENTCOM sentyabrın 11-də Suriyanın şərqində əməliyyat keçirdiyini və bomba yerləşdirməyə hazırlaşan İŞİD yaraqlısını məhv etdiyini açıqlayıb.
Bölgədə gərginliyi artdığı bir zamanda koalisiya qüvvələri İranın dəstəklədiyi təşkilatların da hədəfindədir. ABŞ-ın rəhbərlik etdiyi qoşunlar İraq və Suriyada onlara da cavab verir.