ABŞ prezidenti Donald Tramp 20 min amerikalı hərbçini Avropadan çıxarmağı planlaşdırır. İtaliyanın ANSA xəbər agentliyinə danışan və adının açıqlanmasını istəməyən avropalı diplomatlar Trampın Avropadakı 100 000 ABŞ əsgərindən 20 000-ni çıxarmağı planlaşdırdığını bildiriblər.

Mənbələr onu da iddia edir ki, Tramp bu ixtisar planı çərçivəsində Avropada qalacaq əsgərlər üçün pul istəyəcək: “Tramp qalan ABŞ əsgərləri üçün Avropa ölkələrindən maliyyə yardımı istəyəcək. O qeyd edir ki, bunlar çəkindirici qüvvələrdir və xərcləri təkcə Amerika vergi ödəyiciləri çəkə bilməz”.

Tramp çərşənbə axşamı Avropa Birliyinin (AB) Ukraynaya kifayət qədər dəstək vermədiyini iddia edib:

Biz Aİ-dən 200 milyard dollar çox xərcləyirik. Biz axmaqıq? Məncə, cavab “Bəli”dir, onlar belə düşünürlər.

2014-cü ildə qəbul edilən qərara görə, NATO ölkələri ümumi daxili məhsulunun (ÜDM) ən azı 2 faizini müdafiəyə xərcləməlidir. Lakin Tramp vəzifəyə başlamazdan əvvəl verdiyi açıqlamalarda bu nisbətin 5 faizə çatdırılmasını istəyib.

Tramp cümə axşamı videokonfrans vasitəsilə Davosda Dünya İqtisadi Forumunda (WEF) iştirak edərkən tələbini təkrarlayıb.

2017-2021-ci illər arasında ilk prezidentlik dövründə bu faizi 4 faiz olaraq təyin edən Tramp hədəfini yüksəldib. NATO məlumatlarına görə, Birləşmiş Ştatlar keçən il ÜDM-nin təxminən 3,4 faizini müdafiə xərclərinə sərf edib.

Fransa, Almaniya və İtaliya kimi ölkələr respublikaçı liderin müəyyən etdiyi məzənnənin real olmadığını bəyan etmişdilər. Polşa lideri Donald Task Trampın təklifini dəstəklədiyini bildirib.