ABŞ prezidenti Donald Tramp avtomobillərə, dərmanlara və çiplərə tətbiq olunacaq tarif dərəcəsinin yüzdə 25 civarında ola biləcəyini açıqlayıb.

Bir çox şirkətin onunla əlaqə saxladığını və tarif, vergi və təşviq siyasətləri səbəbiylə ABŞ-a qayıtmaq istədiklərini bildirən Tramp, ölkəyə dönəcək çip və avtomobil şirkətlərini yaxın bir neçə həftə ərzində açıqlayacaqlarını bildirib.

Avtomobillər üçün tarif dərəcəsinin nə olacağı ilə bağlı suala Tramp, yəqin ki, aprelin 2-də deyəcəyini deyib, lakin bunun yüzdə 25 civarında olacağını qeyd edib.

Tramp həmçinin yarımkeçiricilər və əczaçılıq məhsullarına da tariflərin 25 faiz və ya daha yüksək olacağını deyib və bunların il ərzində əhəmiyyətli dərəcədə artacağını bildirib.

Tramp isə bu şirkətlərə ölkəyə qayıtmaq üçün vaxt vermək istədiklərini ifadə edərək, “Çünki ABŞ-a gəldikdə və burada onların obyektləri və ya fabrikləri olduqda heç bir tarif yoxdur. Ona görə də onlara bir az şans vermək istəyirik”, – deyib.

Tramp Avropa Birliyinin avtomobil tariflərini ABŞ-ın tətbiq etdiyi səviyyəyə endirdiyini və əhəmiyyətli qənaət etdiklərini bildirib.

“Şevron” və digər enerji şirkətləri vasitəsilə Venesuelaya neft məhsulları ixrac etməyə davam etməyi düşünməsi ilə bağlı suala Tramp, “Bəlkə yox, biz buna baxırıq”, – belə cavabını verib.

***

Ağ Evin “Amerikalı milyarder İlon Maskın Hökumətin Səmərəliliyi Departamentinin (DOGE) əməkdaşı deyil və hökumət qərarlarında heç bir səlahiyyəti yoxdur” açıqlaması ilə bağlı suala Tramp, “Ona işçi, məsləhətçi deyə bilərsiniz, ona nə istəsəniz deyə bilərsiniz, amma o, vətənpərvərdir”, – deyib.

Tramp Maskın ABŞ Sosial Təhlükəsizlik İdarəsinin məlumat bazasından olduğunu iddia etdiyi cədvələ işarə edərək, 90-99 yaş arası 6 milyon 54 min insanın Sosial Müdafiə müavinətləri almasının mümkün olacağını bildirib.

Ancaq bu məlumatlara görə, “100 yaşdan yuxarı milyonlarla insanın Sosial Müdafiə müavinətləri alanlar olduğunu qeyd edən Tramp, “Görəsən, insanlar bütün bunlara görə maaş alırlarmı. Hazırda biz bunu yoxlayırıq”, – deyib.

“Təəssüf ki, bizim ölkəmiz çox korrupsionerdir, amma biz bunu indi düzəldirik. Əgər siz milyonlarla bu fırıldaqçı insanı Sosial Müdafiədən çıxarsanız, 200 deyil, 70, 80, 90 olan insanlarla çox güclü Sosial Təminatımız olacaq və bu, çox müsbət haldır”, – deyib.