ABŞ prezidenti Donald Tramp radio verilişində Qəzza və Ukrayna ilə bağlı tənqidi açıqlamalar verib.

“Fələstinlilərə şans verilsəydi, gedərdilər. Qəzza hazırda yaşana bilməz haldadır. Mənim planıma görə Qəzza ABŞ-ın olacaq. HƏMAS olmayacaq, biz də onu inkişaf etdirməyə başlayacağıq”.

Tramp Zelenskini tənqid etməsinə davam edərək, “İllərdir Zelenskini izləmişəm və Ukraynanın necə məhv edildiyini görmüşəm. Mən orada olsaydım, Ukrayna müharibəsi olmazdı. Zelenski danışıqlarda iştirak etməməkdən şikayətlənir, lakin 3 ildir iştirak etməsinə baxmayaraq, heç nəyə nail olmayıb. Zelenski Ukraynanda razılığa gəlməyimizi çətinləşdirir”, – deyib.

***

ABŞ-ın milli təhlükəsizlik müşaviri Mayk Valtz bildirib ki, Ukraynanın qiymətli mineralları ilə bağlı razılaşma təklifi əslində Ukrayna prezidenti Vladimir Zelenskidən gəlib.

"Mətbuatın görməzlikdən gəlmək istədikləri bir hissəsi var. Keçən ilin sentyabrında Zelenski ABŞ-a tərəfdaşlıq təklif etdi. O, əlimizdəki mədənlərə sərmayə qoyun deyib və prezident Tramp müqavilə təklif etmək üçün öz xəzinədarlıq katibini Kiyevə göndərdi”, – deyə Vals bildirib. Müşavir bildirib ki, mədənlərlə bağlı məsələ əslində Ukrayna tərəfindən gündəmə gətirilib.

Vals Zelenskinin tezliklə mədənlərlə bağlı müqaviləni imzalayacağını da söyləyib və bunun Ukrayna üçün də xeyirli olacağını vurğulayıb.

Bu razılaşmanın ABŞ-ın Ukraynaya verdiyi dəstəyin müqabilində olduğunu bildirən Valtz, “Avropalılar yardımı kredit şəklində verdilər. Avropalıların borcu ödəniləcək, amma ABŞ-ın borcu ödənilməyəcəkmi?”, – deyib.