04.03.25 - Bu gündən idxala 25 faiz rüsum tətbiq ediləcək...

Kanadanın Baş naziri Castin Trüdo bu gündən etibarən Kanadanın ABŞ-dan idxal etdiyi mallara 25 faizlik gömrük rüsumunun tətbiq edəcəyini açıqlayıb.

Trüdo ABŞ prezidenti Donald Trampın Kanada və Meksikadan idxala gömrük rüsumlarının bu gündən başlayacağı ilə bağlı açıqlamasına cavab verib.

Kanadanın bu ədalətsiz qərarın cavabsız qalmasına icazə verməyəcəyini vurğulayan baş nazir, “Amerika tarifləri qüvvəyə minərsə, Kanada bu gündən qüvvəyə minən 25 faizlik tariflə cavab verəcək”, – deyib.

“ABŞ tariflərinin sona çatmayacağı təqdirdə müxtəlif qeyri-tarif tədbirləri həyata keçirmək üçün əyalətlər və ərazilərlə aktiv və davamlı müzakirələr aparırıq”, – deyən Trudeau, Kanadanın tariflərinin ABŞ ticarət fəaliyyətini geri götürənə qədər qüvvədə qalacağını bildirib.

Prezident Tramp dünən Kanada və Meksikadan idxal edilən məhsullara 25 faizlik gömrük rüsumunun bu gündən başlayacağını açıqlayıb.