Ağ Ev öz saytında ABŞ prezidenti Donald Trampın ikinci müddətə prezidentliyinin Konqresinin birgə iclasındakı ilk çıxışı ilə bağlı aparılmış iki sorğunun nəticələrini paylaşıb.

“CBS News”, “YouGov” sorğu şirkəti və CNN tərəfindən Trampın Konqresin ilk birgə iclası ilə bağlı keçirdiyi sorğuların nəticələrini dərc edib.

Rəyi soruşulanlardan 76 faizi prezidentin çıxışını bəyənib.

Eynilə, sessiyadan sonra CNN-in keçirdiyi sorğuda çıxışı izləyənlərin 69 faizinin prezidentin çıxışına müsbət reaksiya verdiyi bildirilib.

Ağ Ev həmçinin bir çox nazirlərin, o cümlədən ABŞ dövlət katibi Marko Rubio, daxili təhlükəsizlik naziri Kristi Noem, müdafiə naziri Pit Heqset, Trampın çıxışını dəstəkləyən Senat və Nümayəndələr Palatasının üzvlərinin fikirlərini açıqlayıb.

Bəzi media nümayəndələrinin Trampın açıqlamaları ilə bağlı müsbət şərhləri Ağ Evin mövzu ilə bağlı açıqlamasında siyahının başında olub.

***

CNN-in “SSRS” müstəqil araşdırma şirkəti ilə 24-28 fevral tarixlərində keçirdiyi sorğuda Trampın Konqresə ilk rəsmi müraciətindən bir qədər əvvəl iştirakçılara Trampın prezident kimi fəaliyyəti ilə bağlı sual verilmişdi.

Respondentlərin 48 faizi Trampın fəaliyyətindən razı qaldıqlarını, 52 faizi isə onun fəaliyyətini bəyənmədiyini bildirmişdi.

Sorğuda iştirak edənlərin 45 faizi Trampın siyasət təkliflərinin ölkəni “səhv istiqamətə” apardığını desə də, 39 faizi onun siyasət təkliflərinin ölkəni düzgün istiqamətə apardığını, 15 faizi isə fikir bildirmədiyini bildirmişdi.