Bazar günü səhər saatlarında bir silahlı şəxs baş verən atışmadan sonra Ağ Evin yaxınlığında ABŞ Məxfi Xidmətinin agentləri tərəfindən güllələnib.

ABŞ rəsmilərinin bildirdiyinə görə, şübhəlinin İndiana ştatından olduğu güman edilir.

Məxfi xidmətin açıqlamasında gecə yarısı Ağ Evdən bir məhəllədə baş verən insidentdə başqa heç kim xəsarət almayıb. Hadisə zamanı prezident Donald Trampın Floridada olduğu da bildirilib.

Məxfi xidmət yerli polisdən İndiana ştatından Vaşinqtona səfər edən və “intihar niyyətində olduğu” iddia edilən şəxs haqqında məlumat alıb. Yaxınlıqda kişinin avtomobili və onun təsvirinə uyğun olan şəxs tapılıb.

Məxfi xidmətin bəyanatında deyilir: “Əməkdaşlarımız yaxınlaşdıqca, şəxs silahı onlara tərəf doğruldub atış açıb. Bu zaman şəxsi heyətimiz qarşılıq verib”.

Silahlı şəxs xəstəxanaya aparılarkən, Məxfi xidmət onun səhhətinin vəziyyəti ilə bağlı heç bir məlumat almadıqlarını bildirib.

Hadisəyə hüquq-mühafizə orqanları cəlb edildiyi üçün şəhər polis idarəsi araşdırmalara başlayacaq.