ABŞ prezidenti Donald Trampın son ticarət addımı Avropanın şərab və spirtli içkilər sənayesində şok dalğası yaradıb.

ABŞ prezidenti bu gün “Truth Social”da elan edib ki, AB Amerika viskisinə tətbiq etdiyi 50 faizlik gömrük rüsumunu qaldırmasa, onun administrasiyası Avropada istehsal olunan şərab, şampan və digər spirtli içkilərə 200 faiz rüsum tətbiq edəcək.

Bu addım Avropa brendlərinin səhmlərinin aşağı düşməsinə, ABŞ istehsalçılarının səhmlərinin artmasına səbəb oldu.

***

Amerikalı istehlakçılar uzun müddətdir Avropada istehsal olunan yüksək səviyyəli şərabların və spirtli içkilərin əsas alıcıları olublar və bu miqyaslı rüsumlar idxalı hədsiz dərəcədə bahalaşdıra bilər.

Beynəlxalq Ticarət Mərkəzinin məlumatına görə, ABŞ 2024-cü ilə qədər AB-dən 13,1 milyard avro dəyərində spirtli içkilər və sirkə məhsulları idxalı ilə Avropa istehsalçıları üçün kritik ixracat ölkəsidir.

Bunlardan 5,2 milyard avro şərabdan gəlir. ABŞ-ın AB-nin ümumi şərab ixracının təxminən 20 faizini təşkil edir.

Bu açıqlamadan sonra spirtli içkilər və likörlər sektoru daha da ağır zərbə alıb. Belə ki, keçən il ABŞ-a 5,1 milyard avro dəyərində tədarük edilib ki, bu da blokun bu kateqoriya üzrə ümumi ixracının 22 faizini təşkil edib.

Avropanın pivə ixracı ABŞ tələbindən daha az asılıdır, AB keçən il ABŞ-a 1,1 milyard avro dəyərində pivə göndərib ki, bu da ümumi pivə ixracının təxminən 12 faizini təşkil edir.

“Dünyanın ən düşmən, sui-istifadə edən tarif orqanlarından biri olan Avropa Birliyi viskiyə iyrənc 50 faizlik rüsum tətbiq edib. Əgər bu rüsum dərhal qaldırılmasa, Birləşmiş Ştatlar tezliklə Fransadan və digər AB üzvü olan ölkələrdən bütün şərab, şampan və spirtli içkilərə 200 faizlik rüsum tətbiq edəcək. Bu, ABŞ-da şərab və şampan istehsalçıları üçün əla olacaq”, – Trampın açıqlamasında deyilir.

2018-ci ildə AB ABŞ-ın Avropa metallarına tətbiq etdiyi tariflərə cavab olaraq Amerika viskisinə 25 faizlik rüsum tətbiq etdi və bu, ABŞ viskisinin Avropaya ixracının kəskin azalmasına səbəb oldu.

Bu tariflər 2021-ci ildə dayandırıldığı halda, ABŞ bu yaxınlarda Avropa polad və alüminiumuna rüsumları yenidən tətbiq etmək qərarına gəldi və AB-ni buna cavab olaraq 2025-ci il aprelin 1-dən etibarən Amerika viskisinə tətbiq etdiyi tarifi ikiqat artıraraq 50 faizə çatdırdı.

***

Trampın açıqlaması, investorlar tariflərin əsas ixracat məhsullarına potensial təsirini həzm etdikcə, Avropada brendlərin səhmlərinin ucuzlaşmasına səbəb oldu.

“Campari”, “Aperol” və “Wild Turkey” şirkətlərinin italyan sahibi Davide Campari-Milanonun səhmləri 4,2 faiz ucuzlaşıb.

“Absolut Vodka”, “Jameson Irish Whiskey” və “Martell Cognac”ın arxasında duran Fransa şirkəti olan “Pernod Ricard”ın səhmləri 3,9 faiz ucuzlaşıb.

Hollandiyanın pivə nəhəngi “Heineken” 0,6 faiz, “Moët & Chandon” və “Hennessy” şirkətlərinin sahibi lüks nəhəng LVMH isə 1,4 faiz dəyər itirib.

Avropa səhmləri zərbə vurarkən, Amerika markaları dəyər qazanıb. Cek Danielin istehsalçısı “Braun-Forman” 2,1 faiz bahalaşıb. Bu, Trampın təzyiqinin Amerika viskisinə AB tariflərinin qaldırılmasına gətirib çıxara biləcəyi gözləntilərini əks etdirdi – bu təşəbbüs Avropa bazarını ABŞ istehsalçıları üçün yenidən açacaq.