Yəməndə İranın dəstəklədiyi husilər ABŞ-ın “USS Harry S. Truman” təyyarədaşıyan gəmisini ballistik raketlər və pilotsuz təyyarələrlə vurulduğunu açıqlayıb.

Husilərin hərbi sözçüsü Yəhya Seri verdiyi açıqlamada ABŞ-ın son bir neçə saat ərzində Yəmənə 47 hava hücumu təşkil etdiyini bildirilib.

Seri bu hücuma cavab olaraq həyata keçirildiyini ifadə etdiyi hücumla bağlı bu açıqlamaları verib: “Biz ABŞ-ın təyyarədaşıyan “USS Harry S. Truman” və Qırmızı dənizin şimalındakı döyüş gəmilərini 18 ballistik və qanadlı raket və bir PUA ilə hədəf aldıq”.

Seri vurğulayıb ki, husilər Yəmənə hücuma cavab olaraq Qırmızı dəniz və Fars körfəzindəki bütün ABŞ hərbi gəmilərini hədəf almaqdan heç vaxt çəkinməyəcəklər.

***

Yəməndə İranın dəstəklədiyi husilər, hücumlarını davam etdirdikləri müddətcə dəniz naviqasiyasını əngəlləmələrinin ABŞ-ı da əhatə edəcəyini bəyan ediblər.

Husi lideri Əbdülməlik əl-Husi verdiyi açıqlamada ABŞ-ın (Yəmənə) yeni hücumunun onların hərbi gücünün daha da inkişafına töhfə verəcəyini bildirib.

Gərginliyin artmasına eyni şəkildə eskalasiya ilə cavab verəcəklərini qeyd edən Husi, bu hücumun onların hərbi imkanlarını sarsıtmaq məqsədinə çatmayacağını iddia edib.

Husi ABŞ ordusunun dənizi döyüş meydanına çevirməsinin beynəlxalq naviqasiyaya təsir etdiyini vurğulayaraq, dənizçilikdə kimin təhlükə yaratdığını bilməyin dövlətlərin vəzifəsi olduğunu bildirib.

***

ABŞ prezidenti Donald Tramp dünən “Truth Social” platforması hesabında orduya Yəməndə husilərə qarşı "kütləvi hücum" əmri verdiyini açıqlayıb.

İranın dəstəklədiyi husilər ABŞ və İngiltərənin paytaxt Səna və ölkənin şimalındakı Səada şəhərinə endirdiyi hava hücumlarında əksəriyyəti qadın və uşaq olmaqla 31 nəfərin öldüyünü, 101 nəfərin yaralandığını açıqlayıb.